omyosef :
مني وعروس جزاكم الله خير بس انا الحمد لله عارفه احكام التجويد بس المشكله في نطق الحروف هي عايزه تدريب كتير كمان عشان انا حافظه من قبل كده فالموضوع صعب شويه ربنا يعين ان شاء الله وييسرلي الحفظ بطريقه سليمهمني وعروس جزاكم الله خير بس انا الحمد لله عارفه احكام التجويد بس المشكله في نطق الحروف هي عايزه...
mado2006 :
السلام عليكم رشا ورانيا كالعاده سباقين بالخير دائما ربنا يجازيكم خير بعملكم ويبارك فيكم اصل موضوع الحدوته ده عارفه انه مفيد اوى بس معرفش ليه مش بعرف احكى هحفظلى كام قصه كده على الماشى رانيا انتى منزله الموضوع قبل السؤال ولا بعد ولا صدفه دى ؟! عروس ازيك يا جميل انا سمعت ان القصه دى صح فعلا بس انبارح سمعت شويه قص مزودينها اوى وكان الموضوع اصبح خارج السيطرة بكل المحافظات ربنا يسترها ومقراتش فى الجرايد اى حاجه عن كده فقلت اتاكد منكم اهى الشائعات دى من انواع الكذب الموءذى بجد افتكرت وانا بكتب قصه الفيلسوف اللى كانت حكت عنه رانيا يعنى حتى بعيد عن الدين والعقاب الكدب ليه اضرار كبيره بس فى حديث عن النبى عليه الصلاه والسلام بحلل الكذب فقط فى ثلاث مواقع فى الحرب وفى الاصلاح بين المتخامين وعلى الزوجه والمقصود طبعا انه يحسسها انها جميله وكده مش يكدب فى كل حاجه فى حاجه انا قراتها فى الجرايد حبيت اضيفها برده انهم بيحذرو من اكل السمك البلطى وسمك كمان لانه جاى من مزارع ملوثه وبيحذرو من السمك الفيليه المستورد اسمه سابا تقريبا واى سمك مستورد من فيتنام انا قراته بجد وحبيت انقل والله اعلم سلام على الجميعالسلام عليكم رشا ورانيا كالعاده سباقين بالخير دائما ربنا يجازيكم خير بعملكم ويبارك فيكم اصل...
femal :
رانيا ازيك عاملة اية احب اسجل اعجابى بيكى وبتعاملك مع الاولاد ربنا يبارك لك فى بناتك ويسهلك الدكتوراة ان شاء **** ادعيلى يا رب اكون زيكرانيا ازيك عاملة اية احب اسجل اعجابى بيكى وبتعاملك مع الاولاد ربنا يبارك لك فى بناتك ويسهلك...
روشانا ورانيا سبانش جزاكم **** خيرا على المواقع
نانسى طريقة البيتزا انا باستخدم عجينة هند اللى هنا فى المنتدى وهى حلوة قوى ولما اكون عايزة اعمل المقار كلة بيتزا اضيف للدقيق زعتر وهاقولك على الطريقة
هاتى 2 كوب لبن سايل ودفيهم وحطى عليهم معلقة او معلقتين صغيرين خميرة ودوبى
وبعدين حطى معلقة صغيرة ملح ومعلقتين كبار سكر ونصف كوب زيت
وبعدين حطى 2 كوب دقيق وقلبيهم وحضرى فى طبق تانى كمان اتنين كوب دقيق ولو خلطى معاهم زعتر بيتبقى حلوة قوى لو مافيش مش مهم وبعدين حطى اللاتنين كوب دقيق بالتدريج واعجنى ولو حسيتى ان العجينة عايزة دقيق تانى زودى لحد ما تلم كويس فى ايدك وسيبيها تخمر ساعة وبعدين قسمبها لتلاتة انا باعملها تلاتة بيتزات لانى باحب البيتزا رفيعة مش تخينة المقدار دة يطلع تلاتة بيتزات كبار وافرديها وسيبيها تخمر تانى فى الصينبة المدهونة طبعا وبعدين حطى عليها الصلصة واى حاجة انتى عايزاها والفرن على المتوسط وتكون سخنة قبل كدة
يا رب تعجبك
موضوع الصدق عند الاطفال الحمد للة انا مطبقة كل اللى بتقولوة بس الايام دى ابنى الكبير ممكن يقول حاجة مش حقيقى وبعدين يضحك ويقولى باهزر يا ماما وصراحة مش عارفة اعمل اية انا ياسكت واطنش كدة صح ولا غلط
وكمان فى موضوع الخناق دايما بيضرب اختة وانا بازعل منة جدا واحيانا اعاقبة ومرات ايدى بتطول واضربة وازعل من نفسى بعد كدة بس هما بيتخانقو كتير تقريبا حتى بيتخانقو على الهواء حتى وهما بياكلو اختة تقولو الزبادى بتاعى احلى من الزبادى بتاعك هههههه وتقلب بعد كدة بخناقة مع انة نفس النوع اة يانا ربنا يصبرنى عليهم اعمل اية فى موضوع ضرب اختة دة يا جماعة