انا حاسه ان الصفحتين الي فاتو كلهم مشاركات لية معلش اصلي قاعده لوحدي ................... قصدي معاكم ههههههههه

انتو عارفين ان لما بنتفق كلنا علي ذكر معين تفتكروا ده ثوابه عند ربنا ايه واحنا كل واحده في بلد ونبعد عن بعض الاف الاميال ورغم كده بنتفق اننا نذكر ربنا مع بعض ............ ان شاء الله ربنا يجعله في ميزان حسناتنا ويجمعنا في الجنه بفضل اجتماعنا علي ذكره
اميييييييييييييييييييييييييين

النهارده ان شاء الله

اللهم اتنا في الدنيا حسنه وفي الاخره حسنه وقنا عذاب النار

السلام عليكم

ازيكم يابنات عاملين اية

ربنا يخليكو لية يارب وبشكر كل وحدة دعتلي وان شاء الله ربنا يسهل في موضوع العملية وربناييسرلي التوقيت المناسب

عطر

اخبار يويو اية رحتي للدكتور ولا لسة طمنينا علية

ام يوسف

جزاكي الله كل خير ياجميل وانا كمان نفسي احقق الهدفين بتوعك في اقرب فرصة ان شاء الله

توتة البطوطة

يابنتي عييييييييييييييييب الكلام دة بين الاخوات مستنين مشاركتك معانا دايما

كهرمانة

انا مشفتش الحلقة بس عادة لما بيحمر الحاجة وتدخل الفرن بيكون التحمير علي شان تاخد لون التحمير الحلو وبعد كدة بتكمل

سواها في الفرن وبعدين في انواع سوسيس مستوية خالص زي زوان المعلب او ساديا

ام البنات

ربنا يطمنك علي والدك ان شاء الله وبلغي سلامي ودعواتي لزوجة مصرية

عروس -وبلوروز

شفاكم الله وعفاكم ومرضي المسلمين من كل سوء

سلامي لكل البنات الغائبات والحاضرات علي شان منساش اي بنوتة جميلة عزيزة علي قلبي

اللهم اتنا في الدنيا حسنه وفي الاخره حسنه وقنا عذاب النار

بالنسبة ليومياتي امبارح صحيت الصبح مع كوكي باعافية وبعد ماراحت المدرسة حاولت انام للاسف معرفتش خالص

وكنت مش قادرة اقوم من السرير فضلت كدة لغاية مااحمد صحي قمت فطرنا وبعد كدة روقت الرسبشن ودخلت علي المطبخ

روقتة وكان في شوية اطباق غسلتهم و كان في غسيل لميتة وطبقتة ورتبت دولاب الولاد وعملت عجينة بريوش وسبتها تخمر

كوكي كانت جت كان عندي بقية غدا من امبارح اتغدينا انا والولاد ودخلت اخد دوش وعملت حمام كريم لشعري واسكرب بملح

الحليب لجسمي وقعدت مع الولاد شوية وبعد كدة سويت البريوش وشطبت المطبخ والحمد لله اليوم خلص والنهاردة

الاستاذ احمد مصحيني من 5 الصبح واختة راحت المدرسة وهو مش عايز ينام ربنا يهدية

صباح الخير

ام يوسف مش تزعلى يا قمر بس بجد امبارح دخلت على السريع اوى رديت على المشاراكات اللى قدامى وخرجت بسرعة

الذكر بتاع النهاردة دايما بدعي بيه ماشاء الله

ربنا اتنا في الدنيا حسنة وفي الاخرة حسنة وقنا عذاب النار

واكيد لما نذكر ربنا كلنا مع بعض ليها ثواب كبير ربنا يجعله في ميزان حسناتنا

الاهداف بتاعتك جميلة انا نفسي برده التزم في حفظ القران شوية ربنا يهدينى ولو احتجتى مساعدة في الانجلش قولى لى


كنزى

سلامتك انتى والولاد

ربنا يعفوا عنك ان شاء الله
قولى لى بقى طريقة البريوش بليز


كهرمانة
انا كمان جربت البيتي فور من زمان وفعلا رووووووووعة ما شاء الله

توتة

عرفتى زعلت منك ليه ولا لسة ؟؟؟؟

لسة زعلانة منك



ام جميلة

معلش يا قمر ما اخدتش بالي انك كتبتي لى

الموضوع ان شاء الله هاكمله وهانوه عنه <<<< حلوة :hahaha: لما اكتب حاجة جديدة هنا

بنات

عايزة اقولكم معلومة سمعتها من زمان في برنامج صحي وسريع بتيجي فيه اخصائية تغذية وبتعمل اكل بطريقة صحية

واحلا حاجة في البرنامج دة انها بتروح السوبر ماركت وتقول على كل حاجة لما نشتريها نشتريها ازاى واقرا ايه على العلبة اوا الخضار مثلا اتاكد من ايه

المهم

قالت ان السوسيس والهوت دوج دول مش لازم يدخلوا بيتنا ابدا

لانهم بيتصنعوا ازاى؟

بيحطوا كل الدهون اللى متبقية من صناعات لحوم تانية عندهم وعليها لون احمر ومواد منكهة و بيعبوها في الاكياس دى

فتخيلوا احنا بناكل ايه

انا منعته خالص من البيت بعدها