يومياتي

امبارح عملت بسكوت بالشوفان علشان ابقي افطر بيه و كان الحمد لله حلو و بعدها عملت الحواوشي و بعمله بطريقه جديده بقليه ف المقلايه المهم الانبوبه فضيت و استنيت لحد ما جوزي جه يركب الانبوبه التانيه و غسلت المواعين و نشرت هدوم تانيه و طبقت الهدوم اللي شيلتها من المنشر و عنتها و بعدين نمت و صحيت طلعت الهدوم الصيفي و عنت الهدوم الشتوي و وضبت الحاجات اللي هناخدها و احنا مسافرين اصلنا هنسافر كام يوم انا و جوزي و حمايا و حماتي و طبعا اولنا الاستاذ محمد ف الحته اللي قضيت فيها اسبوع العسل انا و جوزي و بعدين لقيت الهانم شرفت مع اني كنت مخططه لحاجات تانيه خااااااااااااااااااااالص بس مش عارفه اعمل ايه اتعكننت بقي و بعدين عملت السندويتشات بتاعت جوزي و نمتتتتتتتتتتتتتتتتتتتتتتتتتتتتتتتتتت



الصبح حضرت الاكل بتاع استاذ محمد و لميت الغسيل بتاع امبارح و غيرت الملايه بتاعت السرير و حطيت واحده تانيه و غسلت كام طبق و كام كوبايه كانوا ف الحوض و ناويه اكنس البيت و امسح بالجاز علي السريع قبل ما نسافر و اكمل تحضير شنط السفر

مساااااااء الخير يا كتاكيت
مش عارفه ايه دور الفرخه اللي انا عايشه فيه ده؟؟
يمكن متاثره بانفلونزا الطيور ههههههههه

وحشتوووووونيييييييييييييييي

معرفتش اكتبلكم امبارح لاني جيت من عند الدكتور مهدووووده

رحت بيوسف امبارح و كنا استلمنا التحليل و طبعا قال لازم اللوز تتشال فورااااااااااااااااااا لان تاثيرها هيبدا على العظم
اداله كورس حقن و بعده كورس مضاد تاني و ان شاء الله على الاسبوع الجاي نحضر للعمليه
بس بجد انا وجوزي اعصابنا خفيفه جداااااا
و طبعا البلاوي اللي بقراها في الجرايد مسيطره على دماغي و مرعوبه
بكره البنج جدااا و العمليات بس هعمل ايه
ربنا يكرم و يطلع منها بخير احسن بجد الولد حالته حاله ربنا يشفيه

توته
بجد انا كمان زعلانه جداااااااااا هو في بيننا كدا؟؟؟
و فعلا على راي ماما زوزو لازم كل ملف حد يتقمص
بس المفروض خلاص احنا حفظنا بعض و بنلتمس العذر لبعض
برضه زعلانه

روني
حبيبتي الف سلامه عليكي و انا اقول مختفيه ليه؟؟؟تصدقي انا كمان زوري مبهدلني شكلي اتعديت من يوسف
و جسمي مكسر بس بقاوم عشانه
يلا مستنياكي النهارده

ام البنات
متقلقيش الموضوع ان شاء الله سهل و ربنا يسهل تعمل اعاده قيض و ميكونش في مشاكل
انت عارفه بلدك بتتظبط بالكوسه فانت شوفيلك كوسايه محترمه و قوريها هههههههههههههههه


ام سوسو
مش مصدقه والله اللي بقراه؟؟؟؟
كي جي 2 و تاخد حساب بالصعوبه دي ؟؟؟؟؟؟؟ايه النظم التعليميه الفاشله دي؟؟؟؟؟؟؟؟؟؟؟
يابنتي انا ليا صاحبتي في فرنسا وواحده في امريكا
و الاتنين قالولي ان الحضانه لحد سن 7 و بيفضلوا يلعبوا و يغنوا و يرسموا فقط فقط
تخيلي
و بعدين بصي يا قمر مره شفت متخصص اطفال في التليفزيون بيقول اننا بنضيف على عمر الطفل 5 دقائق تركيز

يعني لو عمرها 5 سنين +5 دقائق تركيز يبقى الحاصل عشر دقائق فقط
و بعدين دي طفله يعني وظيفتها في الحياه انها تلعب و تنمي قدراتها و مواهبها بسسسسسسسسسسس
و مبروك يا حبيبتي على الخلاط الجديد و تتهني فيه يارب


هايا
هموت نفسي والله من الكسوف ههههههههههههههههه تصدقي بقى لي شهر قاعده في البيت
بجد مش عارفه اعمل ايه في نفسي ههههههه
استنيني انا هنشن عليكي النهارده وحشتينيييييييييي

بصي بقى موضوع جوز خالتك ياقمر
لازم تجيبوا له حد من مستشفى الفيروز بتاعت المسنين يعد بيه
احنا كنا عاملين كدا مع جدو الله يرحمه بس كان في القاهره
كنا جايبين 2 ممرضين رجاله بيبدلوا عليه يعني كل 12 ساعه بحيث يشيلوه
يغيروله
يحموه
لان طبعا حراااام جداااا في السن ده و يتساب لواحده
امال ياربي الناس بتخلف ليه ؟؟؟؟
ربنا يهدي ابنه


زوجه مصريه
حبيبتي تروحي و ترجعي بالف مليون سلامه و كبري دماغك على الاخر
و مستنياكي عشان تكمليلي الفيلم الهندي ههههههههههههههه


ميروووووووووووووووووووو
ايه يابنتي كم الانتكاسات دي؟؟؟؟؟؟
معلش فرجه قريب يا جميل
نكونش حسدناكي هههههههههههههه
بصي يا بطه
انا شفت في فتافيت ان بياض البيض ممكن تشيليه في الفريزر في كيس و مش بيجراله اي حاجه
و ممكن تجمعيهم و بعد كدا تعملي ميرينج
او حتى تعملي بيه ماسكات اصله بيشد البشره جدااااااا و بجد تحفه
بس اعانك الله على الريحه


دموع التائبه
ازيك يا منمون و ازي الجزره الصغننه؟؟
هاااا عايزين نزايد على يوسف و نشوف مين يكسب سجى ولا روان؟؟؟
بغيظ مشمش ههههههه


مشمشتي الغاليه
بصي فكريني و انا بكلمك النهارده على المسنجر في المساء و السهر ابعتلك صوره ماء غريب
و فعلا زي ما روشانا قالتلك كدا المستورد هو اللي بيجيب نتيجه انما المصري حدث ولا حرج
بصي لو عايزه انا اعرف صيدليه بتجيبلي حاجات مستورده بالطلب
ممكن ابعتلك و بطلي تنشيف الدمااااااااااااااغ


ماما زوزو
كلنا محتاجينك يا ماما مش ميرو بس و بجد نفسي كلنا نيجي نعيش معاكوا في البيت
اصلي حلمت خير انك ساكنه في قصر جمييييييييل و كبيييييير
لعله يكون خير ان شاء الله

عروس
حبيبتي يارب نطمن عليكي و يوح الصداع ده احسن بجد الله يكون في عونك الصداع ده حاجه لا تحتمل

ام يوسف
مش تقولي انك قاعده لواحدك ؟؟كنت جييت اغلس عليكي شويه
ايه اخباراتك يا قمرايه وحشتيني


روانيو
ايه ده انا هتعدي من بطوطه مفيش سلامات ولا طيبون و كمااااااااااان مش موجوده اونلاين بتاتاااااا
لاااااااااااا كدا مينفعنيش يا فندم
اظهر و بان عليك الامان


ميمسي
ميوش ازيك يا جميل عاله ايه؟؟
انا كمان زيك قريت موضوع السوسيس و فعلا منعته من البيت تماما و بجد بحاول اقلل اللانشون و الهمبورجر
دا غير اني منعت الفاست فوود و اخري بيتزا تونه او مرجريتا
بجد كرهونا في كل حاجه من البلاوي اللي بقت في الاكل


كنزي
انا اهو يا قمر و انت عامله ايه النهارده؟؟؟يارب تكوني احسن

ورده مفتحه
هما عمالين يتريقوا عليكي عشان كله بقى محمد طب تعاي شوفي اختنا شيمو كله بقى سجى
حميت سجى و نيمت سجى ووكلت سجى
ههههههههه
بجد كلنا هذا الرجل و بكره يكبر ان شاء الله و ترتاحي شويه


كهرمانه
اسمك بيفكرني بزماااان بجد حلو اوي
بفكر لو جبت بنت اسميها كهرمانه ههههههههههههه و يبقى يوسف و كهرمانه


بوتااااااااااااااااااااااااااااا
ارجعي يا بوتاااااااااااااااااااااااااااااااااااااااا
انت فيييييييييييييييييييييييييييييييييييييييييين
يا جماعه لو حد معاه ايميلها يبعتهولي احسن دي طولت اوي و بجد هتجنن و اطمن عليها

شفتوا انا برغي النهارده ازاي

الرمال الناعمه و سما سهاب و محبه الرسول و ام مريم و مادو و رانيا و كل البنات القمرات وحشتوني
و بلييييز اوعوا حد يزعل اني مش كتبت اسمه بس بجد مخي ساااايح

مقلتلكوشششششششششششششش
مش يا عيال غساله الاطباق شكلها اتحرقت !!!!!!!!!!!!!!!!
امبارح و انا بكلم زميلتي في الكفاح شيمو
كنت مشغلاها
و فجاه
بممممممممممممممممممممممممممم
سمعت صوت فرقعه
قمت اجري ابص لقيتها فصلت كهرباء و بسسسسسسسسسس
معرفش بقى ايه اللي حصل
بجد جوزي هينتحر
ادعوا بقى متكونش اتحرقت
مش عارفه في ايه الايام دي ربنا يستر
اللي ييجي في الريش بقشيش

زوجه مصريه الف سلامه عليكي يا عسل وتسافرى و ترجعي بالسلامه

عطر الشموع ربنا يقوملك يوسف بالسلامة
وبمناسبة الكى جى ابنى فى مدرسة لغات
اخذ فى كى جى 1 الجمع والطرح وجدول 2 بالأنجلش

ام سوسو السوسيس اللى هو النقانق

رونى الف سلامة عليكم لا بئس طهور ان شاء الله

عطر
بصراحه انا مستحليا الاستاذ محمد و رزالته و عاوزه اقعد جمبه علي طول و اتحجج بيه ربنا ما يحرم حد من النعمه دي
و بعدين جوزك هيعمل فيكي ايه لما يعرف ان الغاله اتحرقت :35: يا رب ما تكون اتحرقت يا عطوره الا انتي اسمك ايه صحيح

عروس
الف سلامه عليكي ربنا يشفيكي يا رب