عروس

فكرتك عن تلخيص البرامج حلوة في برنامج كلام من القلب الدكتورة غادة كانت بتقول الافضل لما الزوجة تيجي تعمل تغير ونيولوك

متعملش حاجة جامدة وغريبة عليها مرة وحدة الالو في مناسبة زي ذكري ميلاد او زواج اوي اي مناسبة خاصة علي شان

دة بيجنب الزوجة رد الفعل الجامد من الزوج زي الاستغاراب او التريقة من التغير المفاجئ

وقالت كمان ان لازم التغير يبقي شبهك يعني متحوليش تبقي وحدة تانية

كنزى ........... منوره يا قمر وربنا يكرمك على الدعوات الحلوه والاسماء يا حببيتى وما تصدقيش الاسم ده دى اشاعات يا بنتى ههههههههههههههه

لمياء ...... يعنى احنا فى الهوا سوا اذا لقيتى حاجه قوليلى

عروس يا قمر .......... ربنا يكرمك والله على كلامك ده ...... يعنى انتى حاسه انى فى كفاح برده ههههههههههه وشكرا على الكمبوت لانى كان نفسى اعرف اسمه ايه ......... حتى اخويا جه اول امبارح فقدمت له منه بيقولى ايه ده ضحكت وقلت له مش عارفه ههههههههههههه قعد يضحك عليا بس عجبه الحمد لله

بالنسبه للاكل تسلمى يا قمر

انا بفكر اعمل كبده بس مش عيزاها متشوحه عايزه اجربها مقليه بس مش عارفه اعملها ازاى ......... الى تعرف تقولى يا جماعة الخير

بس بلاش بقسماط لانى معنتش بحبه خالص

يعنى احمرها بحالها كده والا بالدقيق والا ايه

بسرعه عشان عدنا الظهر هههههههههههه

كنزى ... بالهنا والشفا
فعلا فكرة عروس جميلة لأن الواحد معندوش وقت يتفرج على البرامج الحلوة كلها
اللهم استرنا فوق الارض وتحت الارض ويوم العرض عليك

توتة

اقولك علي طريقة للكبدة بتبقي حلوة قطعيها شرايح رفيعة زي البانية كدة وتقليها في السمنة وتكوني مقطعة بقدونس كتير

وفصين توم مفروم ناعم وملح وفلفل وكسبرة ناشفة وفلفل حامي وعصير ليمونتيت وقلبيهم كلهم مع بعض وضيفي عليهم الكبدة

وهي سخنة وغطيها وسبيهم خمس دقائق كدة وبالهنا والشفا

او تبيليها عادي واقليها بالردة او الدقيق بدل البقسماط او اشويها تبليها بماء بصل وملح وفلفل وبهارات وعصير ليمون وزبادي

وسبيها شوية واشويها علي الشواية او لو معندكيش طاسة تيفال وحطي عليها معلقة زيت زيتون

وعاما الكبدة علي شان الانيميا كان في دكتور بيقول بلاش تتاكل بالعيش البلدي الافضل لامتصاص الحديد تتاكل بالخبز الشامي او الصمون

جزاكِ الله خيرا يا نوران على طرق الكبده

ان شاء الله هنفذ واحده منهم واقولك ع النتيجه

شكرا يا قمر:27: