اوكي يا لميا نبقي انا وانتي وفيميل وربنا يعينا ونمشي كويس انا مبسوطه اوي اننا بنشجع بعض
علي فكره القصه ألي انتي كاتباها شكلها حلوه طبعا اختك لسه في حالة الذهول ههههههههه بجد اليوم كله اتلخبط





اوكي يا جميل هفوق دلوقتي ان شاء الله وانزل الياهو وكمان انزل دروس تجويد علي الام بي ثري ونبدأ :26:

هدي انتي ليه مطنشاني ؟؟؟؟؟؟؟؟؟؟؟؟؟؟ انا عملت ايه:06:

السلام عليكم ورحمة الله وبركاته
بكتب وانا نايمه ابنى مسهرنى طول الليل اتعدى من ياسمين
طول الليل يعيط من ودانه مع دور البرد وحساسية الصدر
فتجت صيدليه وبنت عندها امتحانات وتعبانه دور برد شديد
دخلت اطمن عليكو زعلت جدا عشان منى
دى هى العقل الجميل والحنان ال اكبر من سنها
يارب يفك كربك يا منى ويهدى زوجك ووالدتك ويبعد عنهم الشيطان
ويهدى النفوس وييسر لك كل امورك
فى روابط جميله وقصص اجمل حا ارجع لها تانى ان شاء الله بعد ما انام شويه
ام البنات بيت الحب والايمان اسم جميل ابعتى لايمان على الخاص
لان اسمه جميل ومعبر عن حالنا
والمقاله جميله
ام يوسف انا مش عايزاكى تزعلى الهرم بتاعنا مهما عملوا ولو يعرفوا يا خدوه ييجوا
فخلى ال يقول يقول ده قصدى فى ردى عليكى
الفراعنه كحضاره مبهره طبعا وولازالو محيرين العلماء ومهما يقولو الهرم بتاعنا
رشا الحمد لله ان البطاطس عجبتك وبالهنا والشفا
الرمال القصه جميله ومؤثره جدا امنيتى ان ربنا يرزقنى مال لفتح دار ايتام
اللهم ارزقنا الاخلاص فى القول والعمل واعو لى يا بنات لعلها تكون ساعة اجابه
ميرو مبروك لاختك وعلى فكره كل اطباء علم النفس بيقولو اصعب سنه فى الزواج
السنه السابعه مش عارفه ايه السبب بالدعاء والحب والهدوء ان شاء الله تتلاقوا
المحبه للرسول حمد الله على سلامتك
توته فرفشى كده وان شاء الله ترجعى من عند والدتك نفسيتك افضل
شيمو وعطر انتو فين
لميا جزاك الله خيرا على كل ما تكتبى وان شاء الله انزل القناه
بنات جربو الزيت ال عملته خطير بيدى لمعهى غير عاديه للشعر
اعمل وابعت لكو وما لوش ريحه تضايق بس تحسى انك فى محل عطاره
جربو الخضار ده جزر وكوسه وفلفل اخضر كله شرائح وعليه ملح وفلفل
ورشة زيت زيتون او قطعة زبده وفى صينيه غطيها بفويل وعلى الفرن
تقريبا ربع ساعه خضار مشوى خفيف وطعمه جميل عملته مع لحمه ومكرونه
سبحان الله وبحمده سبحان الله العظيم






0

ام البنات ان شاء الله ربنا ييسر لها الامور يا جميل

طيب يا هبه شدي حيلك واسمعي التجويد وفي اي وقت رنيلي ونتكلم عالمسنجر واقوللك اللي مش فاهماها وانا عموما علي المسنجر دلوقتي

صحيح عملت زيت زيتون وحطيت فيه توم زي ما البنات قاللوا وكنت عايزه احطله قرفه مالقيتش حطيت كاكاو وعملت حمام زيت لشعري بس الريحه كانت فظيعه غسلته كذا مره بالشامبو لكن اللي شال الريحه شطفتن بميه منقوع فيها نعناع وميراميه وهو مش نشف دلوقتي لكن شكل كده الحمام طري شعري وديه اخر الانباء

عروس الف سلامه يا جميل طيب طيب هو كبير شويه ممكن تجربيله وصفة زيت الزيتون في الاذن نقطه خفيفه بيسكن الالم فعلا سبحان الله انا قريت عنها وجربتها المره اللي فاتت لما كنت تعبانه

ربنا يشفيه ان شاء الله