ام مريم العسل :

صباح الخير ازيكم ياحلوات يا قمرات اليومين دول انا موش فى المود خاااااااااالص دخلت امبارح ومشاركتش اعذرونى مكنتش قادرة اكتب حاجة الحمدلله مفيش مشاكل بس تقلبات الحمل والمزاج موش قد كدة الحمدلله امبارح معملتش حاجة اطلاقا وطبخت لحمة ورز وفتة بس مكنتش حلوة زى كل مرة يعنى الواحد لما ميكنش ليه مزاج وبيطبخ منغير نفس الاكل مبيكونش ليييييه طعم عادى بقة النهاردة احسن شوية قمت غصب عنى رغم انى برضة مليش مزاج اليومين دول مبلحقش صلاة الفجر ودة معكنن عليا لان اليوم اللى مبصليش فية الفجر بيقى مفهوش بركة قمت غسلت غسيلى واثناء الغسيل كنت بروق الشقة ومريم كانت صحية حاولت افطرها مرضيتش لسة مزكومة وملهاش مزاج زى ماماتها روقت الليفنج والصالة وكنست ولمعت الخشب ودخلت ىاوضة النوم وهويتها وعدلت السرير ولمعت الخشب و غسلت الحمام وروقت المطبخ على السريع كان نضيف من امبارح اصلالاننا اتعشينا برة فمفيش اطباق من العشا ونشرت الغسيل ومريم بدأت فى القريفة عاوزة تنام لانها صحية بدرى عملتلها رضعة ونامت وقلت ادخل شوية نت اليوم هعمل فراخ كنتاكى ومكرونة وسلطة كول سلو وبطاطس مقلية الطريقة الكول سلو 3كوب كرنب مبشورصغير ثلث كوب جزر مبشور ناعم نص كوب مايونيز 3ملاعق كبار سكر معلقتين كبار خل ربع كوب حليب عصير ليمونتين نص ملعقة ص ملح نخلط المايونيز بالخل والسكر وعصير اليمون والملح والحليب ونضعه على الكرنب والجزر ونقلب ونتركة فى الثلاجة على الاقل 3 ساعات قبل الاكل والاحسن طول الليل (دى طريقة الكول سلو من واحد بيشتغل فى كنتاكى) البروستد(الكنتاكى) فرخة نقطها 8 قطع 2كوب لبن رائب ربع كوب مستردة ملعقة كبيرة خردل مطحون ملعقة ص شطة ملعقة ص فلفل اسمر 5ملعقة ص ملح 3 كوب دقيق ملعقة ك بودر ملعقة ك ثوم بودرة او مفروم زيت الطريقةيخلط اللبن الرايب والمستردة ونص ملعقة خردل مطحون و2 ملعقة ص ملح ونص الشطة ونغسل الدجاج ونتركه فى التتبيلة من يوم الى 3 ايام نخلط الدقيق وباقى الخردل وباقى الملح وباقى الشطة والتوم والفلفل الاسمر والبودر ونقلبه وبعدين نخرج الدجاج من التتبيلة وعليه اكبر كمية منها ونقلبه فى الدقيق ونتركة ساعة فى تتبيلة الدقيق و وتقلب كل شوية ونقليه فى زيت عميق والاحسن فة قلاية لانها بتحتفظ بالحرارة فالفراخ تستوى من جوة وانا بقليها فى حلة الضغط بحطها فى الزيت الساخن واقفل عليها نص ساعة وبعدين اشيل الصفارة عشان البخار يطلع وبعدين افتحها وخدو بالكم لا الزيت يفور على ايديكم لانها بتبقى محتفظة بالبخار جواها ومتخفوش انها تتحرق اول متصفر وطوالنار هى بتاخد وقت وغلبة بس بتطلع زى كنتاكى بالظبط ونفس الريحة والقرمشة وبالهنا والشفا

صباح الخير ازيكم ياحلوات يا قمرات اليومين دول انا موش فى المود خاااااااااالص دخلت...