السلام عليكم ورحمة الله وبركاته
ازيكم يا بنات ما شاء الله المشاركات كلها جميله ومفيده
وميرو عامله جهد واضح وفعلا المسك رائع
صحبتى بتعانى من التهابات الدكتوره قالت لها عليكى بالمسك
بالنسبه لموضوع اللانجيرى فى طبعا ارقام فلكيه فى الاسعار
لكن انا وجهة نظرى ان اللانجيرى خصوصا بتمليه بسرعه
ومحتاجه تجددى فيه باستمرار فبلاش الحاجات ال اسعارها
فلكيه بيكون فى نفس الموديل لكن خامه اقل وفرق السعر
كبير يبقى المهم الشكل اكتر من الخامه
لكن فى الحاجات القطن الخامه مهمه مع الشكل
كمان البديهات سعرها رخيص مره مع جينز او جيبه او شورط
بوتا يا عزيزتى كلنا ليلى لكن بنسب مختلفه
اضيف كمان لفوائد النعناع ال قالت عليها بوتا
مغلى النعناع تشطفى بيه شعرك فى الشطفه الاخيره
بيمنع تماما نفشة الشعر
وكمان فى تحذير من النعناع لو الطفل حرارته مرتفعه
بلاش تشربيه نعناع لانه بيساعد على رفع درجة الحراره
أم البنات مبروك لمريم وان شاء الله يكون لها من اسمها نصيب وتكون من الصالحات
وربنا يشفى والدك
ومشاهدة الرسول فى الرؤيه هى حق ان شاء الله لان الشيطان لا يتشبه بالرسول
وانى اكون مثل لكى ده شرف ليا ولكنى حجمى اصغر من ذلك

عطر وحشتينا وربنا يرزقك ببنت جميله تكون باره بوالديها
محتاجه الدعاء ربنا يشفى بنتك وجميع مرضانا ومرضى المسلمين
امانى اهلا بيكى معانا
نانسى مقاله رائعه وفيها حكمه جميله وفعلا هى دى السعاده الحق
ام سوسو ربنا يبارك فى والدك وكتاباته
الرمال كنتى فين عننا طول الوقت
ام مريم عايزه منك تفاصيل القلى فى حاة الضغط لانى قريت عنها وخفت اجرب
بتحطى زيت قد ايه وبتقلبيها ولا هى بتتحمر من الجهتين
بتسخنى الزيت الاول ولا بتحطى على البارد
وجربتى تقلى حاجه تانيه غير الفراخ معلش تحملى اسئلتى
رشا ازيك عامله ايه مش تحكى لنا جالك ايه من مصر
ام يوسف مشغوله عننا فى ايه
منى بنوتك عامله ايه فى السهر
جربو الباميه دى على الطريقه السوريه
تشوحى البصل والتوم وبعدين الباميه تشوحهيها معاهم على نار هاديه
وبعدين تضيفى عصير طماطم بسيط وملح وفلفل وليمون
وبعد السوا الكسبره الخضرا خفيف وسريعه
هى بدون لحمه لكن عملت جنبها لحمه
سبحانك اللهم وبحمدك اشهد ان لااله الاانت استغفرك واتوب اليك

اه يا عروس ازيك يا حبيبتي وحشتيني انا حاكيت عن الرغي من كام حلقه كد اما الاكل حدث ولا حرج ماما بتعملي محشي وتلفهولي في فويل لان صحبتكوا في الطراوه خالص في موضوع المحشي ده طول عمري اتعزم عليه بس

اه وايه تاني اه الحلويات طبعا اللي في السعوديه عارف ان حتي الحلويات الشاميه مش زي بتاعة مصر وانا بموت في كل واشكر والكنافه البورمه واتفاجات هنا لما جبت كل واشكر ان السيرب عليه هيل ومية ورد معجبنيش خالص

اه كمان

حلاوة المولد وطبعا لعب والوان وحلويات لنانو وسوفه ديه طنط وهي بتوزن الولد بتاع الوزن بيقولها حضرتاك عمره طبعا مستغرب من العزال اللي معاه واحده مهاجره مش طالعه تعمل عمره وكفايه كده احسن كل المغتربات هاخد ذنب عليهم يا ريت كان حد جنبي كنا قعدنا بوظنا الدنيا واديناها حلويات

رشا بالهنا والشفا كل حاجه من مصر بتبقى عامله زى الدهب
لما بكون فى مصر بجيب حاجات كتير يضحكو عليا انتو ما فيش عندكو اكل
اقول مش زى طعم حاجة مصر
حلاوة الموسم كل ما تاكليها تفتكرينى وتاكلى حته كمان عشانى
وفعلا الحلويات الشرقيه والبسبوسه فى مصر غير
ولا السمنه البلدى والجبنه الرومى
بلدنا جميله وكلها خير
لكن حسبى الله ونعم الوكيل
الباقى اكيد كلكو عارفينه
شوفو البدائل دى لمنال العلم
خل بلسميك= خل التفاح

1 م ص خردل بودرة = 1 م ك معجون مستردة

شراب البان كيك = (1/2 كوب سكر بني +1 1/2 كوب ماء +2 1/2 م ص نشاء ذرة )
يطهى على النار حتى يصبح سميك

8/7 كوب دقيق الارز = 1 كوب دقيق جميع الاستعمالات

1 م ك دقيق بطاطس = 2 م ك دقيق جميع الاستعمالات
= 1 م ك نشاء ذرة

1 م ك نشاء ذرة = 2 م ك دقيق جميع الاستعمالات

1 كوب دقيق ذاتي الاختمار = 1 كوب دقيق عادي + 1 1/2 م ص باكينج باودر + 1/2 م ص ملح

1 كوب دقيق كيك = دقيق منخول 3 مرات ثم خذي منه مقدار 1 كوب

1 كوب شراب ذرة فاتح = 1 كوب عسل

1 مربع شوكولاتة خام مر = 3 م ك كاكاو سادة + 1 م ك زبدة

1 م ص كريم الطرطار = 3 م ص عصير ليمون او خل

1 كوب حليب حامض /خاثر = 1 كوب حليب + 1 م ك خل او عصير ليمون

1 كوب حليب محلى = 1/2 كوب حليب مكثف + 1/2 كوب ماء + 2 م ك سكر

1 كوب حليب مركز محلى = ( 1 كوب حليب + 1/2 كوب ماء مغلي + 2/3 كوب سكر + 3 م ك زبد )
اخلطيهم في الخلاط حتى يتجانسو

1 علبة حليب مكثف 12 اونصة = 12 اونصة كريمة خفيفة

1 كوب كريمة خفيفة = ا م ك زبدة مذابة + 1 كوب حليب

1 كوب كريمة ثقيلة (قيمر) = 3/4 كوب حليب محلى +1/3 كوب زبدة
= 1 كوب حليب مكثف
= 2/3 كوب حليب خاثر + 1/3 كوب زيت

1 كوب كريمة خفق = 2/3 كوب حليب مكثف + 4 م ص عصير ليمون او خل

1 كوب كريمة حامضة = 1 كوب لبن زبادي + 2 م ك زبدة

طريقة عمل المسترده
3ملاعق خردل
3 م دقيق
1م كركم
تلات تربع كوب خل وملح
يطحن الخردل ثم يضاف باقىالمكونات وتضرب فى الخلاط
اذا كان القوام خفيف يضاف دقيق وتضرب
واذا االقوامسميك يضاف خل
وتوضع فى الثلاجه وتستخدم فى تتبيلات الدجاج واللحم بتدى طعم مميز

ميرسي يا حميل علي البدايل اللي كتباها كنت لسه بسال ام مريم علي الخردل عشان الفاخ اللي كتبت طريقتهم وان شاء الله هاجرب الكفته بالشبت بتاعتك وهاقوم اكوللك حالا واحدة فوليه قبل ما تخلص لاني انا وجوزي بنتسابق عليعا بالهنا والشفا يا ستي بس اوعي تتخني وتقولي انا السبب