صباح الخير عليكوا كلكوا ومبروك الملف الجديد وربنا يخليكي لنا يا ايمان
اولا اليومين اللي فاتوا كنت عامله زي المدمنين النت مش راضي يشتغل وراحه جايه احاول ادخل ولو دخل يفتح صفحه ويفصل ويقيت هتجنن
المهم ربنا يجمعنا دايما علي خير

شيماء حمد الله علي السلامه

ام سوسو اخبارك ايه ان شاء الله تكوني احسن

عطر ام مريم ام البنات ام يوسف زوجه مصريه روشانا ماما زوزو ميمسس كنزي توته نانسي شهيده لميا بوته وكل الناس بحبكوا جدا
اه بمناسبة الاخبار الحلوه النهارده ان شاء الله خالتو جايه تعمل عمره وهاقابلها في المطار تيجي عندنا النهارده نشوفها وبعدين تلحق الفوج علي المدينه فطبعا نانو مبسوطه جدا من الصبح مش يس علشان هتشزفها لكن طبعا عشان الحاجات اللي جايبها معاها هذه كانت اخر الانباء وسنوافيكوا بالتفاصيل لاحقا

السلام عليكم و رحمة الله و بركاتة على كل البنوتات الحلوات يا رب فى أتم صحة و أسعد حال

إيمان .............. جزاى الله خير الدنيا و الأخرة و نفع بيكى دايما يارب و ربنا يجعله فى ميزان حسناتك انك كنتى السبب فى التجمع ده و فعلا بقول اهو باعلى صوتى
"بحبكم فى الله "

يوم الخميس بقى روحت البيت و انا طبع موضوع ليلى ده عامل عمايلة معايا و بقول الراجل ذنية ايه طيب فى اللى بيحصل ده و فى الدوامة المهم
اتوكلت على الله و عملت لشعرى حمام زيت بتاع عروس " القرفة و الكاكاو " و طلع حلو بس مش جاب نتيجة اوى على شعرى مش عشان هو وحش لأ عشان شعرى انا اللى خربان خالصصصصصصصصصصصصص
المهم كمان عملت سويت على السريع بالرغم انى عاملة من أسبوعين بس كان فيه شوية شعر بدء يطلع فعملت كده بسرعة و لكا جوزى جه مسك روان و دخلت استحميت بضمير بالشاور كويس و بعد الحمام دهنت جسمى كله بجليسوليد مخلوط بميه ورد (جربوة يا بنات تحفة بجد فى الريحة و النعومة فظيع "
و لبست عادى و بعدينةحميت روان و بعد ما جوزى كل و روان نامت جبت البيبى أويل و قولتله تعالى و زى ما قلتو عملتله مساج لضهرة عشان فعلا كان بيجوعة و مش هاقولكم من فضل الله تعالى انبسط اد ايه بجد اول حاجة قالهالى " حلو التغيير ده أوى " و طبع انتو بارك الله فيكم خدتو الثواب و لبست اكسسوار احمر و خلخال أحمر و تقمصت دور نانسى عجرم فى كليب " آه و نص " ههههههههههههههههه

و يوم الجمعة بقى كانت حملة تنظيف للأوض و المطبخ و كنت الأسبوع اللى فات غسلة الستاير و كنست و لمعت و عكلتغدا فراخ محشية و ورق عنب و سلطة زبادى و الحلو فروت سلاط و عصيؤ فراولة بالكريم شانتية

امبارح بقى كان يوم حافل برده نضفت الريسبشن كويس و شلت الستاير و مسحت البلكونة و لمعت الأولوميتال و شفطت التراب من الشبابيك و مسحت الأرض بكمفورت و ديتول و لمعت الخشب و غسلت و لميت الغسيل و علقت الستاير تانى
و عملت الغذا مكرونة بشاميل و بفتيك و عملت الحلو كيك برتقال و كيك موز بالقرفة

و الله امبارح عدى عليا من فضل الله بأعجوبة و صممت انى اكمل شغل البيت و مش اتعصب و لا انكد على نفسى بالرغم من انه كان عندى مشاكل فى البيت بس الله المتستعان و ربنا يسخرلى كل عاصى و يغننيى عن من أحوجنى اليه آمين

بمناسبة التغيير انا طول عمرى مش بحب اوى الأكسوارات بس بحس انها بتعمل شكل جميل مع اللبس فقررت اهتم بيها بس بطريقة اقتصادية يعنى قريب منى و انا مشاية فيه محل بتاع الحاجت اللى 2.50 دخلت و قلت اشترى منه و فعلا اشتريت حاجات و لبستها على حسب لون الهدوم و طلعت ظريفة و غير مكلفة و الميزة اللى فيها انها ممكن تغيرى كتير يعنى مثلا لو احمر يبقى تجيبى مرة عقد طويل و مرة عقد قصير مرة بسيط و مرة مبهرج و هكذا و اهى هتبقى تنوع و لو زهقتى منها مش هتخسرى فيها حاجة

ام سوسو .......... ما شاء الله على كتابات والدك ربنا يبارك فيه و يحفظلك بتاك من كل سوء

ميرو........... يا جامد يا بتاع الحركات و العياط و الدلع ايه الجمال ده كله ربنا يديم عليكو المحبة و المودة و الرحمة يارب و ياريت تقوليلى طريقة المايونيز بتاع الشعر يا جميل

ام مريم .............. كويس يا جميل استمرى و ربنا يجعلك اجمل النساء فى عيون زوجك يارب

مي.................. شطورة يا قمر رينا يبارك فى وقت و فى عمرك يارب و يخليلك اولادك

هايا .....عاملة ايه يا جميل و اخبار ملوكة تمام ؟؟؟

عروس................. عاملة ايه يا حبيبتى و اخبار عينيكى ايه أحسن .

كل الحلوين عطر و توتة البطوطة و المحبة للرسول و حبيبة اوسو و قرة عين زوجها و شيماء و ايناس و حنان و ام البنات هدى و زوجة مصرية و مرمر و لميا و بوتا و شيرى و منى و معلش لو نسيت حد بس صباحكم سكر زيادة

شيماء مبروك على البيبى وحمدا لله على سلامتك وربنا يحفظها لك و يفرحك بيها :27:

ماما زوزو كل سنه وانتى طيبه ومبدعه
سلامى لكل البنات الوحشين اللى بسال عليهم وهما ما بيسالوش


عطر و ام يوسف وام مريم وام سوسو ومرمر وميرو و سما ودموع وايمان ورونى وكنزى وعروس ولمييا ورده مليسيا وMEMSI وتوته وروشانا وزوجه مصريه وام البنات وكل البنا ت

وبحبكم فى الله
:27:

ما شاء الله لا قوة الا بالله

اللهم لك الحمد كما ينبغى لجلال وجهك و لعظيم سلطانك
بورك فى الموهوب و شكرت الواهب و بلغ أشجه و رزقك بره آمين آمين آمين
ربنا يقر عينها بلاصحها و يجعلها من مواليد السعادة يارب