ميرو سلامه الولاد الف سلامه طميننا علليكى على طول

السلام عليكم ورحمة الله وبركاته
ازيكم يا بنات مالكو كلكو بتبستمو لكن انا حاسه ان كل وحده فيكم جواها حاجه
مزعلاها معلش هى دى الحياه مش دار سعاده واستقرار
ربنا يفك كرب المكروبين ويشفى مرضانا ويرزق كل اخت ما تتمنى
ويرزقنا جميعا الستر فى الدنيا والاخره
الجو الحمد لله كان حلو عملت جملة تنظيف لليبت وحمام زيت وماسك الكاكاو
وابنى كان راجع بدرى من المدرسه جات له نوبة ضحك فى حد يحط كاكاو على وشه
أم مريم ربنا ييسر لك كل امورك ويفرجها عليكو وينور بصيرتكم للقرار الصح
واهم شىء الاستخاره لان مهما كانت العواقب بعدها بنشعر براحه ان ده الافضل لينا
وتسلمى على وصفك المفصل للقلى ان شاء الله اجرب واطمنك
ام يوسف ربنا يهدى زوجك ويحببه فى الطاعه والالتزام
بنتى فى تانيه ثانوى
نيرفانا الخلطه كيلو عسل عليه اتنين ونصف جرام غذاء ملكات
والوصفه من طبيبة الاطفال لابنى لتقوية المناعه
أم مريم علاج الاحتقان ملعقة عسل ونصف ليمونه على ماء دافىء شرب او غرغره
ودكتور عادل عبد العال اكد عليها جدا لانها مطهره للحلق
وقال معلومه غريبه ربنا يعفينا جميعا ان لازم الخلطه دى لانها مطهره للحلق
لان ممكن الانسان يصاب فجاه بالسكر بسبب اتهاب الحلق واكد عليها للاطفال خصوصا
وعليها ايضا زيت زيتون
عطر نورتى بلاش تروحى طنطا لوحدك خدينى معاكى حا اموت على حلاوه اشترى حلاوه
وننادى على مادو سوا
ويارب يا عطر تحضروا فرح بنتى يارب يرزقك كل بنات المسلمين الازواج الصالحين
ايناس منتظره شكواكى من ابنك ربنا يهديه
ام شهاب تنورى معانا
بلو روز فرحت جدا لعودتك وفرحت اكتر انكو الحمد لله بتقاومو الحزن وربنا يشفى والد ويطمنك على اخواتك
ليلى بعد التعديل قصدى هدى شكلنا حا نسميكى ليلى معلوماتك كلها جميله ومفيده واستمرى فى التعديل وكلنا معاكى
أم سوسو بجد دموعى نزلت وانا متخيله ان كل وحده فينا فى بلد بعيد وما نعرفش ملامح بعض لكن ارواحنا بتتلاقى فى طاعة الله وحب الله
اللهم ظلنا جميعا تحت ظله
شهيده البقاء لله ربنا يغفر له ويرحمه ويجعل قبره روضه من رياض الجنه
ويصبر زوجته ويعينها على تربية ابنائها ويعوضها خير
كنزى سلامتك مش فى المود ليه ربنا يصلح لك حالك
ميرو الف سلامه على شهاب وما تخافيش ان شاء الله الدور عنده حا يكون اخف كتير من شادن
وكله فى ميزان حسناتك ان شاء الله
راجيه عفو ربى يسعدنا مرورك
وكل مجتمع فيه الصالح والطالح وكل بلد فيها نماذج مشرفه
ونماذج لا تمت للاسلام بصله
انا الحمد لله لابسه عباية راس
وبشوف التعجب والاستغراب لما يكلمونى يلقونى مصريه
يتعجبوا جدا اكيد زوجك مش مصرى
الحمد لله مصر فيها خير وتدين لكن الاعلام بينقل صوره
بعيده تماما عن حياتنا وواقعنا
اللهم ثبتنا جميعا حتى الممات وتوفنا على طاعه
ويظلنا جميعا تحت ظله
سبحانك اللهم وبحمدك اشهد ان لااله الا انت استغفرك واتوب اليك

نسيت وحده بحبها فى اللهزوجه مصريه ربنا يفك كربك وييسر لك كل امرك
وياريت تقرى موضع ايمان
ان الانسان لما بيصلى ركعتين ويدعو ربه بيكون فيها الفرج
وحتى لو المشكله لم تحل لكن بيكون فى هدوء وسكينه ورضابقضاء الله
منى انتى فين النهارده
استعديتوا يا بنات للويك اند
الحمد لله نظفت تنيف عميق عشان بكره يكون البيت تنظيف سريع
وجهزت غدا لبكره
عشان لازم ناخد اجازه ويكون يوم هادىء جميل بدون عصبيه
عشان نقدر نقاوم
وعايزين بكره يكون بدون صريخ مع الولاد خالص
نكون فى منتهى البرود تلاجه
لان كلنا بنضغط على اعصابنا وعايزين اطفال مثاليين
بدون اخطاء وبننسى صغر سنهم
وبننسى انهم لازم يغلطوا عشان يعرفوا الصح
تعودنا على الصوت العالى وعدم تقبل اخطاء اولادنا
حا نبدل نخفض صوتنا ونراعى انهم اطفال
نترك لهم مساحه من الحريه
فى اختيار لبسه فى الاكل ال بيحبه يلعب براحته
فى ناس حا تقول احنا كده بندلع لا
احنا بندى حريه تحت اشرافنا اختارى انت طقمين من لبسه وقولى له تحب تلبس ايه
اعملى له الاكل ال بيحبه والحاجات ال مش بيحبها لكن مفيده غيرى من شكلها
دخلي عليها تعديلات وسميها اسم تانى حا ياكل وهو مبسوط
خليه يلعب براحته وبعد ما يخلص يالا نعمل سباق ونشوف مين حا يلم اللعب اسرع
وف ثوانى البيت حا يرجع نظيف ومترتب
زى ما بنعمل نيو لوك للشكل الخارجى لازم كمان الداخلى معاه وطريقتنا فى التربيه
تكون بعد التعديل

ازيك يا ام مريم
اللاسم دا هو الاميل بتاعى
كل ما ادخل اسم يقولى موجود رحت ضاربة الرقم دا طلع مش موجود
وبادخل فيه فى المنتديات علشان يبقى موحد ونادر فابيدخل على طول
يا حبيبتى انتى مش فضوليه ولا حاجة دا انتى حبيبتى يا زينة وبحبك اوى:)

خلطة لتنعيم الشعر....بالموز...

الخلطة هي:

قشر الموز + مايونيز + زيت خروع + زيت الزيتون


بس قشر الموز يكون كثير ومجفف جيدًا



بعد تجفيف قشر الموز يطحن إلى أن يصير زي الحناء



وتحطي له المايونيز وزيت الخروع وزيت الزيتون



ويعجن زي الحناء ويترك لمدة 30 دقيقة.



وبعدين حطيه فوق الشعر وفروة الشعر



ويغطى بكيس أو بطاقية بلاستك



وبعدين يغسل

الشعر



وخلي شعرك يجف لوحده وشوفي الفرق



تنفع للشعر الباهت والمتقصف



والجاف

منقول

وياريت لو حد عنده اى وصفة بقشر الموز المجفف يقولها لانى مش عارفة اعمل بيه ايه
مستنياكى يا عروس

بلو روز
منورانا والف سلامة على والدك والف مبروك لاخوكى وربنا معاكى يارب

ميرو
الف سلامة علو شيكو وشادن وان شاء الله يقوموا بالسلامة