ليه س كده يا ام البنات
استهدى بالله
وقومى اتوضى وصلى ركعتين واقرى ما يتيسر لك من القران
اقولك اقرى سورة يس بنية ان ربنا ييسرلك الحوال ويهديكى
وان شاء الله هتلاقى نفسيتك ارتاحت على طول
وبعدين كمان علشان البنات ميتاثروش نفسيا فيكى
ومتندميش ابدا على حاجة عملتيها وانتى قصدك خير ( حسن تبعل \ ادخال سرور على قلب مسلم )
واكيد كمان صبغك لشعرك خرجك شوية من المود اللى انتى فيه
يالا اسيك بقى واقومى استهدى بالله واقرى القران

اية ياحبيتى

هونى على روحك

معليش ربنا هيفرجها ان شاء الله وبأذن الله الوالد صحته هتتحسن

متلوميش نفسك على حاجة عملتيها واهدى كدة

بجد انا زعلت عليكى اوى

مهما كان المبلغ اللى صرفتيه موش خسارة فيكى طبعا

وبخصوص المذاكرة معليش براحة عليها فترة المراهقة دى صعبة اوى

بجد انا نفسي لما كنت فى سنها كنت بعند لما حد يقولى ذاكرى رغم انى كنت متفوقة وبحب المذاكرة شجعيها واوعديها انك هتجيبيلها حاجة حلوة لو جابت مجموع كبير

ومعليش بكرة اجازة خليها تتدلع شوية

بوتا

جميلة اوى المقالتين اللى انتى حاطاهم

صحيح عملتى اية بخصوص الاجازة

خلصت ولا لسة؟؟؟؟؟؟؟

ام البنات ربنا يكرمك ويفك كربك ويصلح حالك ويشفى والدك ان شاء الله
احمدى الله وتوكلى عليه وهو يتكفل بكل ما اهمك

ام مريم ازيك وازاى بنوتك والله الاجازه علمى علمك انا ما اعرفش عنها حاجه لما يجلهم مزاجهم يخلصوا هبقى اعرف