منى

برافو عليك يا قمر يومياتك جميلة في كل حاجة ربنا يعينك ويقويكى

وفعلا الاكسسوارات بتدى شكل حلو اوى وتغيير

حاولى بقى تعملى اطقم في البيت يعنى كل بيجاما مثلا حلق وتوكة و عقد او انسيال اكسسوار بلونها

تبقى حلوة اوى مع الشعر والميكب:27:

بصوا الست دى
اكيد شفتوها قبل كدة


زوجة دكتور فيل

شفتوا جسمها وبشرتها عاملين ازاى عارفين عندها كم سنة

















54 سنة


لكن مهتمة بنفسها وبتلعب رياضة واللى يشوفها ما يقلش ان دة سنها خالص

السلام عليكم ورحمه الله وبركاته
ايمان الف مبروك الملف جزاك الله عنا خير الجزاء وجعله ملف عامر بالخير وما يرضى الله
لميا جميله قوى القصه رزقنى الله واياكى وكل المسلمين والمسلمات حسن الخاتمة وتسلم ايدك على مريله المطبخ وفعلا يا لمياء عندى كام قطعة لينو عاوزة اعمالهم لانجيرى بحب الينوه فى الصيف رحمه الله على حماتى واموات المسلمين كانت استاذة خياطة
ميرو ربنا يبارك ليكى ولوسمحتى فى الاول عاوزة فاتورة البيوتى سنتر وهكتبلك المبلغ على الخاص انا كل الناس بتكلمنى فى التغير وانا صامدة لحدك انتى وليلى وقلت كفاية كده وصلت 39 هغير امتى لما اموت نزلت كوافير جنب المكتب قصيت شعرى خالص وعملته بنى فاتح مائل للاشقر وعملت حمام بخار للبشرة وحمام كريم وبقيت ابص لشكلى وانا مستغربة اول مرة فى حياتى اغير لون شعرى حتى وان عروسه معملتش كده والقصه جديده وسبحان الله كنت خايفه اللون ميلقش عليا بس ولله الحمد كان جميل واشترت بيجامة سودا جبير بس سورى كان سعرها معقول جدا
رجعت البيت كنت ناويه مفكش الطرحه لحد مدخل انا م علشان تبقى مفجاه
بس نورهان لمحت اللون بان من تحت الطرحه المهم البنات بقوا يكلمو نفسهم غارو جدا لدرجه ان ايه بقت تشد شعرى بس كنت متوقعه منهم رد الفعل دة ووعدتهم انى اعملهم تغير اقص ليه قصات حلوة
جوزى رد الفعل كان غريب قالى ازاى اعمل كده ومامته ميته بقالها 5 شهور زعلت شويه بس ولاهمنى لانى سعيدة بشكلى الجديد وجودى كمان كانت سعيدة وعماله تعاكسنى وتانى يوم فجاته بالبيجامه وكان سعيد وقالى بعد العمر ماجرى جايه تعملى كدة حسيت بالذنب وطلبته ياسامحنى لان الموضوع دة انا قصرت فيه بنسبه 90%
امبارح نضفنا غرفة النوم بتعتى والحمام وبلكونة الحمام والمطبخ والريسبشن تنظيف شامل مريع بالادراج والسجاد ان شاء الله اكمل غرفه البنات واركب الستائر
على فكرة يابنات لغسي الابيض كنت اخذت من مو ضوع ايمان كوب خل + المسحوق وبعد الغسالة ماتبدا الدورة نفصله شويه وتكمل الغسيل عادى بيبقى الابيض روعة
وكمان للى هيدخل معانا جديد صابون + ماح ليمون + بيكربونات خلطه رائعه للسيراميك والاحواض والبوتجاز والاخشاب المدهونه لاكيه وديه من عروس حبيبتى وحبيبه الكل .
منى دموع وحشانى انتى خليفه عروس فى العقل
ام سوسو شفاكى الله وعفاكى والموضوع بسيط لاتقلقى انا كان عندى وبسسبه ربنا ادانى جودى الدكتور قال صعب اخلف فوقفت الاقراص وجتلى جودى وربنا يبارك لبابكى ويحفظه
انجى عامله ايه بعد الثلاثين شكلك احلو قوى عاوزة ماسك الكاكاو منك او من عروس هو اختراع مين علشان اديله براءة اختراع وشكرا على البشرى يارب تبشرينا باخت ليوسف
شيماء الف مبروك ربنا يجعلها بارة بيكى ويعنك على تربيتها ويارب تفرحى بيها فى عز ابوها ان شاء الله
هوايتى بناء على طلب عروس وحبيبه
1- ترتب البيت انا( من زمان بحب كدة) 2- شراء مفارش او تحف او ادوات للبيت 2 -القراءه 4- التمشيه مع نفسى
اكتر حاجة تسعدنى اكل الشكولاتة /وفنجان النسكافية بتاع الصبح/ وفرحة البنات لما اجبلهم حاجة/ ضحكه البنت جودى/ بابا لما يدعو لى /
انى اقدر اسعد اى حد معرفوش / لما بدعى واحس انى مع الله / صحبتكم الحلو
ام مريم ازيك ياحبيبتى انا هجبلك منديل بقويه من الحسين وابعتهولك بس ابعثلى العنوان
ام يوسف وتوته وكتكوته وفطوم رونى مرمر وحبيبه والمحبه للرسول بوتا روشانا سجى اليل وحشتونى
وكنزى ربنا يعوض عليكى يارب ويرزقك من فضله
مى انا حاسة بيكى فعلا احسن حاجة فى الدنيا انك تصحى من الفجر وتبدئى اليوم وبيبقى يوم مبارك ان اليومين دول مرفوعه من الخدمة
ماما زوزو كل سنة وانتى بعطاء وحب ورحمه بارك الله لكى فى عمرك
كل البنات الجدد اهلا بيكم معنا
زوجة مصريه يارب تكونى بخير ويارب اقدر اربى جودى بنفس طرقتك مع ولادك
كلل الى سال عل بابا هو رايح بكرة ان شاء الله
لو نسيت حد ميزعلش الزهايمر وحش

مبروك يا م البنات يا قمر يارب تتهنى يارب

الف مبروك علي سلامة شيماء اللهم بارك لها فيها واجعلها من الصالحين

ام مريم وعطر ومني وبووتا وهايا ومي وكل الموجودين صباح الفل ومبروك علينا الملف الجديد

بمناسبة التغيير وماسك المايونيز ....... لازم تعرفوا الي حصلي .... كنت كل ويك اند لازم اتخانق انا وجوزي فعلا موضوع عدم الصبر
والرد بكلام بايخ والعكننه المصاحب ليها طبعا البوز كل ده كان سيناريو بيتكرر تقريبا كل اخر اسبوع بس طبعا كلامنا مع بعض الفتره الي فاتت خلاني قلت بيني وبين نفسي أني لازم اتغير وبدأت يو م الاربعا جوزي قالنا البسوا علشان هاجي اخدكم ونخرج وفعلا لبسنا بسرعه ولما جه قعد علي النت وقالي نستني شويه اصلي كسلت....... طبعا قبل كده كنت بتنرفز ورد فعل سريه قوي وازعل وكده
المره دي قلتله خلاص يا حبيبي زي ما تحب وقعدت اتفرج معاه علي التلفزيون واتكلم مع يوسو لحد ما جوزي قام غير لبسه وقالي يالا نخرج ..... وطبعا الملاحظات المعتاده غيري لفة الطرحه البسي النقاب التاني اضيق وهكذا بصراحه كنت الاول بعند تخيلو عملت كل الي قاله وانا مبتسمه ومبسوطه طبعا هو ماكانش مصدق والنتيجه اننا لاول مره من شهور نخرج من البيت مبسوطين ......

ويوم الخميس كمان رحنا جنينة الحيوانات والحمد لله اتبسطنا اوي وطبعا زي ما انا مافيش عصبيه حتي في البيت مع الولاد وكل ما يحصل حاجه تنرفزني افتكر اني واخده قرار ما اتعصبش وكنت بهدا علي طول
والله يا بنات فعلا احلي ويك اند من فتره كبيره وحتي جوزي نفسه بقي هادي وحس بأني متغيره واتبسط اوي

يوم الجمعه بأه ....... قلنا كفايه خروج ونقضيه في البيت وجبنا سمك مشوي من بره واكلنا وبعد العصر جوزي غير خرطوم في الحمام كان بينقط وكانت المايه عامله نقطه صدا في السيراميك اه راح جوزي حط عليها ماية نار وقالي ماتدخليش الحمام دلوقتي وخرج يظبط حاجات في الكمبيوتر ..... رحت انا بسرعه عملت ماسك المايونيز علي شعري مع خلطة زيوت وقلت بسرعه قبل ما ييجي وبعدين اخد دش واسشور وكده بأه....... وروقت علي السريع ودخلت الحمام قلت ادعكه طبعا بالخلطه الي فيها كلوركس ونسيت خالص ان كان فيه ماية نار وطبعا كنت قافله الباب ومع اني كنت شامه ريحه غريبه وحاسه بكتمه بس برضه ماافتكرتش
ما حسيتش بنفسي الا وانا بخرج اترمي علي الارض ومش عارفه اتنفس حتي الكحه مش راضيه تطلع ... جريت علي التليفون اتصلت بمحمد وصوتي مش طالع بس قعدت اقوله تعالي مش قادره ... ياعيني بيقولي بعد كده ساب الراجل وقاله راجعلك وركب العربيه زي المجنون مش عارف ايه الي حصل وطول الطريق يتصل بيه وانا ارد ومش عارفه اتكلم لحد ما قلتله بالعافيه الي حصل راح عدي علي دكتور في صيدليه يعرفو جزاه الله خير اداله بخاخ موسع للشعب ومهدئ ..........
ولما اخدت منه الحمد لله ابتديت افوق بس المصيبه أني كان شكلي فظيييييييييييييع اه والله لقيت جوزي متنح في شعري وبشاور بأيده يعني ايه ده ؟؟؟ طبعا كنت تقريبا بنقط زيت كمان الجو كان حر وقعدت فتره كبيره بالمايونيز هههههههههههههههههه

وما خلصتش من التريقه مره يقولي انا سمعت ان الكاتشب ممتاز ههههههههه ......... تعالي يا امه شوفي مراتي بتنقط وبتسيح
هو كان عايز يضحكني غير انه طبعا مش هيفوت حاجه زي كده من غير تريقه وانا ألي كنت مش عايزاه يشوفني وقلت اخلص كل حاجه قبل ما ييجي اهئ اهئ اهئ :06:
وفي الاخر بالعافيه اخدت دش حتي ما سرحتش شعري واتدفيت كويس ونمت وانا حاسه أني في قمة الاعياء

طبعا استحاله افكر اني اعمل ماسك المايونيز تاني خلااااااااااااااص اتعقدت