عايزه البس النقاب ومحتاجكم

اليس هذا من الجهاد

انا لست مع او ضد النقاب
انا مع الرغبة الحقيقية القوية التى فى داخلك
مدام دى رغبتك
ومدام انت مؤمنة بها
وشئ مش ضد الشرع
بل ناس كتير بيؤيدوه
مستنيه ايه
اهم حاجة رأي زوجك
ولو عنده بعض الاعتراضات
اقنعيه
الرجل المسلم الحق مش هيرفض

وبعد ما تلبسيه
تقبلى كل شئ بصدر رحب
وخصوصا انك ساكنة فى منزل عيلة
يعنى لو هما رفضينه
فى اى تجمع او عزومه
حاولى ما تفرضيش عليهم
الستات الاكل لوحدهم والراجل لوحدهم
شئ ما يخصكيش
انسحبى ببساطة
او اقنعى الكل انك تفضلى الاكل منفرده تما ما
تعاملى مع النقاب ببساطة
يعنى يكون فى متناول يدك وانت فى المنزل
مش تجرى هنا وهناك
لبسك الاساسى حتى فى المنزل بالنهار شبيه بالاسدال
والنقاب مشبوك فيه

اعرفى انك اللى هتخلى الامور صعبة او سهلة
اى حد يبدى تعليقات على الموضوع متدخليش فى حوارات عقيمة
مالوش لازمه
ان شاء الله هتنفذى وهتكونى مرتاحة
ومش هتكونى اخر واحدة فى العيلة
بعدك السيل يبدأ
انا زوجة ابنى لابسه النقاب
وزي العسل
وفقك الله

أختــــــــــي
تذكري أن لبس الحجاب عبادة وليس عادة
يعني احتسبي الأجر في لبس الحجاب
لو أحد ضايقك لو تعبتي منه كله فيه أجر بإذن الله
ومافيه شئ يضيع عند رب العالمين
جزاك الله خير على حرصك

اولا ماشاء الله
وانا كمان نفسى البسه بس لبسى دلوقتى بهيؤه يعنى قلت مفيش تاييرات تانى والتزم بالعبايه الواسعه والاسدال
معى واحد بس بيلفت النظر لما البسه للاسف بصلى بيه ومش بخرج بيه مع انه شكله بيدى وقار

يعنى لازم يعنى يبقى لبس ملتزم ممنوع تسلمى على اقارب زوجك الرجاله طبعا وعدم الجلوس معهم من غيره ولبس الجونتى والشراب والصوت طبعا مش عالى وكتير
يارب يوفقك يارب ويهدينا جميعا


توكلى على الله

السلام عليكم ورحمة الله وبركاته ..

انا مع كلام ماما زوزو100%

السلام عليكم و رحمة الله و بركاتة
بصي يا أختي أدام انتي مقتنعة و جوزك موافق يبقي علي بركة الله و انا كنت زيك في بيت عيلة برضة و كان نفسي ألبسة بس جوزي لم يكن موافق في الأول و سبحان لقيتة فجأة و احنا خارجين لو عاوزة تلبسية ألبسية و طبعا لقيت الاعتراضات من أهلة ازاي هتأكلي معانا و أزاي هتساعدينا في المطبخ أو غيرة بس الحمد لله انا صممت لدرجة اني لما اكون موجودة معاهم كان جوزي ياكل معاهم و انا اكل لوحدي بس الحمد لله فترة و بتعدي و دلوقتي الكل اتعود خلاص انتي بس توكلي علي الله و ربنا يثبتك