هى فى المنتدى التانى مكتوب الطريق بس اانا مش فاهمه اعمل اللفه بتاع الضهر
الطريقه اهيه
ولتوضيحها هى عباره عن مستطيل
وأكيد كل مستطيل ليه 4 زوايا
إحنا هنعمل المستطيل ونشبك 3 زوايا بس من الظهر
والرابع هيكون فى المقدمه تحت
المهم كل واحده منكم هتعمل سلسه الأول وتاخد بيها مقاس عرض البلوزة عليها
من الكتف إلى تحت الذراع يعنى تكون واصله لآول الظهر من الخلف
زى صورة الظهر اللى وضعتها
الغرزة دى هتعتمد على 8 أعمده
السلسه اللى هتتعمل لخط العرض اللى قلت لكم عليه
لازم يكون مجموع السلاسل يقبل القسمة على 8
يعنى ممكن تعملوها 8 ×5 = 40 سلسله
زهتضيفوا 6 سلسله زيادة يبقى 46 ليه الزياده دى
أول سلسله هتكون بدايه السطر
والأربعه اللى بعدها هيكونوا فى آخر السطر علشان البدايه تكون واحده هيعنى هتبدأوا ب 4 عمود وينتهى السطر ب 4 عمود
وآخر سلسله اللى هى رقم 6 دى علشان نتهوا بيها السطر وتبدأوا بيها سطر جديد
شرح الغرزة
هتعملوا السلاسل على حسب مقاسكم وبدأوا ب أول سطر أعمده بالكامل
ثانى سطر هتبدأوا بأول غرزة اللى عى البدايه دى مش هحسبها فى العد ok
يبقى أول غرزة هتتعمل من 8 عمود
أول 4 عمود هتشتغليهم عمود عادى
العمود 7 و8 هتشتغليه الأول
يعنى هتسيبى العمود 5 و6 وتشتغلى الأول 7 و8
وبعدين ترجعى تانى تشتغلى العمودين 5 و7
وبعدين تكررى اللى عملتيه لغايه نهايه السطر الأول هينتهى معاكى ب 4 عمود وأخر عمود اللى هتخلصى بيه السطر
السطر الثالث هتشتغليه عمدان بس كله
السطر الرابع هتعكسى
هتشتغلى أول عمود اللى هو البدايه عادى وده مش بعد رقمه خلى بالك
هتشتغلى العمود رقم 3 و4 الأول وبعدين ترجعى تشتغلى العمود 1 و2
وبعدين 4 عمود عادى
وتكررى اللى عملتيه لغايه أخر السطر هينتهى معاكى زى البدايه
تتركى 2 وتشتغلى ال2 اللى بعدهم وبعدها تشتغلى ال2 اللى تركتيهم
السطر الخامس عمدان عادى
السطر السادس زى السطر الأول بالضبط
وهكذا لغايه ما تشوفى الطول اللى أنتى عايزاة ويكون مناسب لكى
أنا كاتبه لكم هنا عدد الزوايا بتاعت البلوزة
1,2,3,4
وضفت فى الأمام رقم 5
المهم تابعوا معاى
هنشبك الزاويه 1 مع الزاويه 2
والزاويه 4 مع النقطة 5
وفى الأخر الزاويه 2 مع الزاويه 4
هنعمل التشبيكه دى إزاى
هنعمل سلسله ونشبكها على مقاسنا ونشتغل السلسه غرزة حشوة
بس خلاص
لو عايزين تبتكروا وتعملوا بدل من الشرايط اللى شبكت الظهر بدل الكروشية ممكن تعملوها بأستيك وتشتغلوه غرزة حشوة على طول
وممكن تعلموه بشريط ساتان ويتربط فيونكه
وممكن تشتغلوا شريط جبير زى اللى هنقفل بيه المستطيل بتاع البلوزة وتخيطوه فى الزوايا

انا كتبتلكم الطريقه زى ماهى مكتوبه وشكرا للمنتدى التانى على شرحها بس يا رت حد يطبقها ويفهمهالنا وشكرا

انتم نسيتونى ولا ايه على العموم شكرا على اهتمامكم