عايشه & عصا و مسطرة $ تاجرة الارواح

بسم الله والصلاة والسلام على اشرف خلق الله...نبينا محمد صلى الله عليه وسلم..



الي كل من تتتاخر وتجني المـال ... من عرق جبين خادمه لا حول ولا قوة ولا سلطان لهم إلا بالله

اناشدها بالله ان ترآف بهن....

والله ان اليوم قلبي تمزق آلم ودمعت عيني لحال هذا الخادمه التي اردت ان استآجرها


السالفه......


اليوم دقيت على "ام ع " ...تاجرة بآرواح انسانه ....
و قلت ابي خادمه ايجار لمدة اسبوعين....
قالت التاجره الظالمه: اليوم بترجع وحده من خادماتي الي اخذوها عائله ثانيه... وعلى الساعه 4 العصراجيبه لك
قلت اوكي....<< العازه وماتسوي..
جت الساعه 4..5...6...7..8 و 9ونص وتوها تجيبها لي

واخيرا عند باب بيتنا واقفه الشغاله وكفيلته.....اول ماطالعت الشغاله ماعجبني وجهه احس انها تعبانه او خمنت التعب انه يكون ضرسها وارم لان على فكها من جهة اليمين خط احمر ... المهم عطيت التاجره الفلوس وراحت
دخلت الشغاله وعلمتها على الاماكن ووش تسوي بكرا...وطلبت منها ترتب المطبخ وتروح تنام ..."بصراحه رحمتة شكلها ، مايمديها جت من الناس الثانين الا على طول عندي"
رجعت دخلت المطبخ ..قالت لي الشغاله مدام ابغا بندول... قلت لها اول شي اكلي عشاء بعدين بندول
سالتها عن الي بخدها...قالت لي مافي شي .... قلت لها ضرسك بوجعك؟؟ قالت لا وعيونها بالارض
اوكي انا رحت جبت لها بندول..اول ماشافتني وهي تدمع عينها...قالت لي الي انصدمت منه...!!
انكسر خاطري وبكيت معاها....
طلعت كفيلتها الي جابتها
ضاربتها بعصا المكنسه لما تكسر وكملت عليها بمسطره خشب وساحبه شعرها ومقطعته وفالقتها وصابخه راسها بالارض و كل جسمها كدمات حمرررر
وشفايفها من الداخل دم لانها ضاربتها بوكس وهي بالطريق لنا ...لانها قالت تبي تروح لسوق تشتري اغراض قبل تسافر
اجراااام .... يمه ماكنت اتوقع في ناس بالقساوه هذا....والغريب بعد ان المجرمه جت عند باب بيتنا وكانت تدعي اللطف والذوق

سالتها ليش ضربتك....قالت انا امي عجوز تعبانه وماعندها بنت غيري واخواني ماراح يرعونها انا ابغا اروح ابر فيها اخاف تموت
وقلت لكفيلتي ابي اروح والتذكره على حسابي... وانا باقي لي شهر ونص اخلص المده<< حب المال.. وتبي تاجرها وتستفيد اكثر
انا واختي انصدمنها ..... من التوحش.....اختي حضنتها وقعدت تهديها وتقول الله ياخذ بحقك..
قلت لها تبغين نشكيها... قالت لا اخاف تضربني مره ثانيه وتسفرني بدون لا تعطيني راتبي الي من 17 شهر مااخذته
قلت لها لا اكيد تعطيك ...قالت لا هي تبصمنا شهريا على اوراق اننا استلمنا الراتب واذا مابصمنا تضربنا...
وان في وحده من الشغالات الي عندها سفرتها وماعطتها راتبها 8 شهور عشان تجبرها ترجع وفعلا الخدامه رجعت عشان فلوسها
قول الرسول صلى الله عليه وسلم أعط الأجير أجره قبل أن يجف عرقه ؟؟
الظلم ظلماااااااااااااااات يوم القيامه.....معقوله في انسان مايخاف الله...مايتذكر ان في الجباااااااااااااار..!! كل هذا طمع فلوس.؟؟
يااااقساوة عبدة الديناااار.....
طلعت من المطبخ ودموعي تسبقني ..واختي تهدي فيها....

كيف تبغين الله يوفقك وانتي تعذبين انسانه...؟ كيف تبين الله يديم عليك النعمه وانتي تجحفينها ...
والله حرام ... فكري لو انتي بدالها تشتغلين كيف تحبين يعاملونك...؟!!!

انا دقيت على الظالمه
وقلت لها الشغاله تعبانه وعليها كدمه بخدها ووديناها للمستشفى.... هنا جن جنونها قعدت تصارخ تقول
من سمح لك تودينها ...مالك شغل فيها ....انتي وش سويتي فيها <<لاحظوا بدت تقط التهمه علي اسلوب متدني
قلت لها ليش حرام يمكن ضرسها وارم ويعطونها علاج ولا احد ضاربها يكتبون تقرير بالحاله... خافت وقعدت تلخبط بالحكي
قلت لها اجل وش الي بوجههاا ويدينها؟؟ قالت يمكن لما كانت تقطع الشجر ههههه <الشغاله تقول ماعندهم شجر بالبيت
انا متعمده مااصرح بالي قالته الشغاله...وهات يمين وهات يسار بالاخير قالت شلون تودينها للمستشفى وماعندك ورقة اقامتها..قلت لها الله يخلي الواسطه خافت وانفاسها بدت تعلا
قفلت الخط وبعدين دقت وطفت << يعني دقي علي ...مدرسه وتاجره وماعندها رصيد والله مصخره
قعدت تخربط وتسال << اكتشفت الغرض من هالدقه هذا ...
انها تلهيني عشان مااوديها للمستشفى ولا الشرطه ...لما اختها توصل عند الباب وترجع فلوسي وتاخذ الشغاله وهي خااايفه عند الباب تطالع للبيت وتطالع لسياره....مع العلم انها ماقالت لي بجي اخذها...كانت ساكته ....وفعلا هذا الي حصل
راحت الشغاله عايشه لظلمه ... لتعذيب...لآنسانه ماترحم .... راحت وحتى ارقام اهلها مآخوذه منها عشان ماتكلمهم

( يمه كيف شخص يمنعني من التواصل مع اهلــــي...يعني معقوله مااكلم امي وابوي لمدة سنتين) ليش وش السبب<؟؟

عند الباب قلت عايشه قولي حسبي الله ونعم الوكيل ...قالتها وهي بتبكي....
استودعتك الله ياعايشه...


مايستفاد مما سبق
1- ولآول مره اقول بعذر الاندنيسيات يسحرن... << من القهر ...لكن اكيد ربي معاك وبينصرك..بما انك مسلمه وحمل وديع
2- المتاجره بالشغالات لازم تكون بعدل وانصاف لحقوقهن...اولا بعد استرداد راس مالها الكفيله يبدى نظام النص بالنص
يعني اجرنا عايشه لمدة اسبوعين بـ...1400 ،،،،لازم الفلوس هذا تتقسم بين الشغاله الي هي تعتبر اليد العامله وبين المعزبه الي هي راس المال
وهذا للاسف غير حاصل... والسبب الطمع وحب المال ................."يعني عايشه وغيرها فقط ياخذون راتبهم الشهري مع ان الشغل بكثره عليهن لان كل عائله تجيهم يبي لهن تنظيف من جد وجديد...." عزيييييييييييييلكن يهالشغالات من الحريم...
3-لازم بكل منطقه منظمه لحقوقهن والانصاف بينهن وبين الكفيل اذا حدث اي امر....
4-بهذا التصرف شوووهت "ام ع" صورت الاسلام وسلوك المسلمين...حسيبك الله
5- لما تجيك خادمه..مو معناتها انك تستعبدينها....ترا في فرق بين العبيد والخدم<<والحمدلله ان انتهى زمان العبيد
6-تاخير جيت الخادمه كان بسبب التوجش والضرب الي تعرضت له
7- صلوا على خاتم الانبياء محمد صلى الله عليه وسلم...


(ورده)....<< لعايشه ودعواتي لك ودعواتي عليها...

كلن تدلي بدلوها ...ومقدما ....،،،،.... جزاكم الله خير الجزاء

تمت...والله على مااقول شهيـــــد

هذي السالفه لها شهـــرين

وقبل كم يوم راحت مني شغاله ثانيه ايجار جيتها على الدرج تبكي
سالتها ليش...قالت انا لي سنه اشتغل والله مااخذت غير آلف ريال وتشاهق من البكي
وتقول امي وولدي ماعندهم شي ياكلونه انا مسافره عشانهم ...وكفيلتي كل مااطالب بالفلوس تقول لي
ان شاءالله وتنساني ....
والله قعدت تشرح لي كلمة ان شاءالله بمفهومها ... ان اذا احد قال لك ان شاءالله يعني ماراح يصير
:44: انا هنا وش اسوي ... انعقد لساني
حسبي الله عليهن