عايشه في وحده وقهر وكل هذا يقول علشانا تعالوا فهموني الا علشانا؟؟!!😓

السلام عليكم
اتمنى صاحبات النفسيات مايردون على موضوعي ..
صار لي متزوجه من سنواات في السنوات الاخيره هذي زوجي صار عنده مشاريع وصار دااايم مشغول يعني عادي يطلع من الصبح يرجع اخر الليل او في نفس اليوم يرجع ياكل ويطلع او ينام وبعدين يطلع وانا الحين صار لي تقريبا اسبوعين من ولدت ونفس الشي كان مواعدني بياخذ احازه وبيفضي شوي لي ولا شفت شي بالعكس هذا هو نفسه وانا منفسه في بيتنا ولا احد معاي غير اولادي ..تعبببت من الوحده والقهر كل يوم فيني ضيييقه واوقات ابكي على وضعي ..يعني حتى الا عنده اشغال مو لهذي الدرجه ماينظم وقته او يعطيني من وقته ..تخيلوا طووول يومي بس انتظر يجي وهو كل شوي يقول بعدين ومايجي الا اخر الليل وغير سفراته يقول للعمل يغيب بالايام وانا لحالي في البيت ..لما اتكلم معاه يقولي كل هذا عشانكم ..وش الا علشانا ؟!ابي افهم انا عشان يجمع فلوس ؟!وانا وش مستفيده منهم وانا في وحده وقهر وهو بعيد واصلا ماملك حتى ذهب ولا حساب في البنك ولا شي واذا رحت السوق وعطاني فلوس يقولي ارجع الباقي 😒 انا مايهمني الماده كثر الراحه النفسيه لكن مو حاصل لا راحه نفسيه وهو الا يقولي مشغول عشان حياتنا الماديه انا مو مستفيده بشي من الماده الا يتكلم عليها 😒انا حتى ولدت ولا جاب لي هديه عكس الا حولي من تطلع من المستشفى يفاجأها ..مادري وش هالماده الا يتكلم عليها !!تعبببت يومياتي اقضيها لحالي ولمشاغلي مع الاولاد وزنتهم الا تبي تطلع والا تبي مجمع والا يبي يلعب وطبعا ماقدر اقوله ودنا مكان لانه يعصب يقول انا مو عبد لكم يكفي انشغالاته ..كثييير اشياء تنقصنا حتى مستشفى في حملي ماكنت اتابع والحين بنتي صار لي مده اقوله يشتري لها دوا ولا اشترى كله بسبب انشغالاته !ويقول كل هذا علشانا ! العمر يجري والسنوات تجري وانا على هالوضع وياه لا محقق لي اكور ماديه من اشياء احب تتوفر عندي ولا هو متواجد ..بس علشانه سكنا في بيت ملك هذا كل مره يعيرني ان غيره ماقدر وهو. سكني في بيت ملك !!وانا اقضيه في وحده في هالبيت 😰 والا مسوي انه قدر ولا املك شي في حسابي والا حتى هديه ماقدر يبسطني ..وش مسوي هو ؟