صعبه حبيبتي ما عندي بيت في ديرة اهلي والاجار صعب وبناتي مرتبطين بالكليه والدراسه وهو ما يرضى انا نروح وهو ما زال زوجي وصعبه اروح بدون رضاه

الله يفرج همك احمدي ربك عندك وظيفه تشغلك وعندك عيال احسن من غيرك ترا

حاولي اهتمي بحالك وخليك دايما بقمة الاغراء لكن لا تحسسيه انه هاد مشانه

حاولي تعرفي ايش السبب لأن الوضع مو طبيعي

وشلون صابره عليه ومتحملته ؟ عديم مسوؤلية ؟ ولو هو يحبك جان جاك ونام معك ؟ الظاهر انه ما يبغاك بس ما يبي يهدم بيته ويشتت عياله وخصوصا ان انت اللي تصرفين عليهم ....؟ فهو المستفيد من بقاءك في بيته ..

لو الوضع استمر على هالحال اكيد لازم تعلمي اهلك وتشوفي لنفسك حل لمتى بتعيشين وياه ؟ على هالحال انت بصوب وهو بصوب .؟

شوفي حياتك ونصيبك مع واحد غيره قبل لا العمر يمشي وتكبري وهو يروح يدور له على وحده صغيرة يعيش حياته معها ؟

اختي والله الموضوع كبير ومالك الا الصبر ابغي اسئلك كذا سؤال وجاوبي وبصراحه بس على الخاص افضل:
س1: متى تغير عليكي بالضبط؟ يعني اربطيها بحدث؟
س2: انتو كم عددكم؟
س3: كم راتبه تقريبا؟
س4: زوجته السابقة ايش ظروفها؟

في حاجات ثانيه لكن اقولك الحل عندي بئذن الله وراح تدعيلي