بٌَِسٌِِّمً آللهٍَ آلرٌٍحٍّمًنْ آلرٌٍحٍّيَمً
لنتفرج على تلك العائلة الموصووفه من قبلي بأنها
" رايحــه فيهــا "
ولكــن لنتعـرف على أفـراد هذه العائلـة قبل أن نبين لكم
لماذا وصفت بهذا الوصــف ::
أبـو بشـار : أب كما هـو حال بعض هؤلاء الآباء
مشغول بأمور الحياة الدنيا وكيف
يجني ثروة وحتى ولو بالحرام ..
وفي الليل يحلو له الطرب مع أصدقاءه ..
أم بشـار : مهتمة بشؤون أبناءها ولكـن عن بُعـد ..
توجه الأوامـر وتأمر أبناءها بالتنفيذ
ولا تدري أحقاً هـم صادقون وفعلوا ذلك أم لا ..
بشـار : موظف حكومي عمره 26 ومازال في
غفلته .. لا يعرف إلا السفـر ومشاهدة ما حرم الله ..
بشايـر : عمـرها 16 .. مولعـة بالطرب والتمثيل
وتتمنى في يـوم أن تصبح مغنيه مشهورة
بــدر : عمـره 8 سنــوات لا يمل من مشاهدة الرسوم المتحركة ..
أبو بشار :: السلااااااااااااااااااااام
بشـاير :: تغير القناة
أوووووف هذا مايا إلا الحين .. خرب علي .. ماشفت لؤي شقال لميرنا
<< في قلبها
هلا هلا يبه وعليك السلام ..
بو بشار :: ماشاء الله أشوفج قاعدة لين هالحزه ما وراج مدرسه
بشاير :: يبه باجر الخميس
بوبشار :: متفشل من نفسه .. شنو تتابعين
بشاير :: ولا شي قاعدة أنطر مسلسل الحين يطلع
( وفي هذي اللحظـه .. )
بدر :: ماااااااااابي ماااااااااابي بتابع الرسووووم << بصووت عالي
بو بشار :: هذي حاله الواحد ماله خلق .. برووح الدوام يشيب بالراس
ورئيس القسم حسبي الله عليه مو راضي يفج عني ويجي دور العيال
يابشااااااااااار .. بشاااااااااار ويهــد
بشار :: يبه إصبر خلني أأدب قليل هالأدب
( صعد بوبشار فوووق بيشووف شالسالفه .. وبشاير ترد على ستار أكاديمي )
بدر :: يبه يبه شوووف بشاروه بس لأني دخلت
غرفته عشان اشوف الرسوم بيطقني
بشار :: أنا حاط التلفزيون بغرفتي ليه .. مو عشاني ..
بو بشار :: يا... أذلف لغرفتك نام الساعه 1 شمقعدك
بدر :: إنت ويا بشارووه ماتيون إلا متأخر بس اليوم رديتوا مبجرر حظي خايس
((راح بـدر يبجي .. وبشار راح لغرفته لمشاهدة التوافه .. أما بو بشار راح ينام وبشاير مازالت تتابع مشاهدة ستار أكاديمي .. والأم في سبات عميق من الساعه 10 لتحافظ على جمال بشرتها ... : ) ))
يـوم الخميس طلعوا كل اللي في البيت ..
الأبوو :: مع الربع في الدوانيه
الأم :: مشغوله بحفل إستقبال أم سلمان
بشاير :: قاعدة في البيت مثل ماوصتها أمها
بـدر :: يتابع الرسووم ومرات يلعب مع يهال الجيران
بشار :: ماعرف :lol: :P
بشاير :: منووووه .. قولي لي لؤي شقال لميرنا ..
منى :: كرهته .. أنا من زمان قلتج لج إنه يحبها .. ماشفتي النظرات
بشاير :: الله ياخذها هالجيكره
ومن سوالف هالبنات .. حش حتى في المتسابقين .. وتطليع سوالف
وحال بشاير كالأخريات .. خرب عقلها البرنامج وإختلط عليها الأمور
وأرادت أن تقلد .. فكان
فكـره -> سـوق -> مـوعـد -> فضيحه -> جهنـم
ناخذ جوووله ونشوووف بدر شنوو يتابع ..
سـام :: آه يالهُ من شاب وسيـم .. ليتني كنت صديقته
كلووفـر :: بالفعل إنه رائـع ..
التعليم في الصغر كالنقش على الحجر .. وإذا كان هذا اللي يشوووفه
وهو صغير لما يكبر شنو بيشووف ,,,!!
وبعـد شهرين .. إنتهت الدراسه .. وأخذ بشار إجازة من شغله
وتوجهـ إلى أحـد البلاد التي تشيع فيها الفحشاء ... !!
هـذي أسئلة أبي منكم تناقشوني فيها .. ونتكلم شوي عنها ..
1) ليش الناس غافله عن شي إسمه " عفة الرجــال " ..
يسافر ويخربط وعادي ومش الأمـر .. وآخر شي يقردون وحده فيه تتعذب طول عمرها ..
مع هالشخص التافه .. نعلم إن الرجل و المرأة متساويان
بالجزاء والعقاب ولكن هذا منسي عند البعض
قال تعالى ::
" وقل للمؤمنين يغضوا من ابصارهم
ويحفظوا فروجهم وقل للمؤمنات يغضضن من ابصارهن ويحفظن فروجهن "
وفي آية ثانية تبين أن الرجل والمرأة متساويان في الأجــر
قال تعالى ::
" والحافظين فروجهم والحافظات
والذاكرين الله كثيرًا والذاكرات أعد الله لهم مغفرة وأجرًا عظيمًا "
هذا يدل على أن عفة الرجل لا تقل أهمية عن عفة المرأة ...
و لا تقلل من رجولته .. فمثل ما يطلب العفاف من المرأة ...
يطلب أيضا من الرجل ...وفي هالحالة لازم علينا أن نعمم مفهوم
العفة على الرجل والمرأة معاً لكن وللأسف الشديد ...
مجتمعاتنا صارت عندها العفة مطلوبة فقط
من المرأة فهي رأس مالها وأساس شرف أسرتها ..
وما أعترض على هذه النقطه بالفعل هو كل مالها
ولاكن أردت أن يقال هذا أيضاً للرجــل ..
حيث عفة الرجل فحدث ولا حرج ... فما في شيء يعيبه أبداً
من مبدأ أن الرجل أخطاءه تنتسى ولكن المرأة ما في أحد ينسى غلطتها ..
...## عنــد الله تجتمــع الخصــوووم ##..
2)أبي منكم على يوووم .. تفضوون حالكم ساعه جذي وتتابعوون مسلسل كرتوني إسمه الجاسوسات على " mbc3 " بتستغربوون منه .. 3 بنات يشتغلون جاسوسات .. أوكي ..عاد في بعض اللقطات مثل ماذكرت .. فوق .. على إن هذا شاب وسيم وبصير صديقته .. وقلووب حب وسوالف .. ومره لما شفت خواتي يطالعووونه قلت بشووفه معاهم وبصلح لهم الأخطاء اللي تطلع في الحلقه .. وإلا حلقه عن عارضات الأزياء .. عاد وحده من البطلات .. تقول لواحد ينفع أكون عارضه وإلا يقول لها إنتي أحلى مافيج ريوولج .. قلت أدب ووقاحه يا القائمين على هذي القناة .. غير اللقطات السخيفه الوايده .. حشى مو قاعد نشووف رسووم .. مسلسل مكسيكي .. حتى أذكر مره كتبت بالمسن عندي .. " أم بي سي 3 مش هتقدر تغمض عينيك .. " وقصدي كان أطنز عليهم لأن فعلا كأنه فلم موو كرتوون ..
3) غفلة الأب والأم .. ماعندي تعليق عليها .. لأن أصابعي بتعورني
لما بكتب .. وبيجنوون اللي زرعوووه ..
4)إهمـال الأم بنتها .. بمجرد إنها بالبيت فهي بأمان .. وين الأمان .. في النت والتلفزيون والموبايلات .. والبرامج التعبانه .. والبنات مو فالحات إلا بتتبع التوافه .. مثل إستار أكاديمي .. ونجـم الخليج .. وهالبرامج السخيفه .. واللي يبط الجبد .. إنها تتفاعل معهم .. بوقتها ورصيدها .. وعلى شنوو .. ودي أعرف هالسر في هالبرامج ؟؟
صدق من قال .. كل ممنوع مرغووب ..
إن تجـد عيباً فسد الخلل .. جل من لاعيب فيه ولازلل
أختكــــــــــــم ..
قلته وكتبته
- حقوق النقل والطباعة لجميع المسلمين -