السلام عليكم ورحمة الله
هذا اول موضوع اطرحه في هذا المنتدى وان شاء الله اقدر اوصل اللي في بالي لكم
انا لاحظت ناس كثير وانا اولهم حولنا عباداتنا الى عادات كبرنا ولقيناها بحياتنا لا اكثر
كثير منا يلبس عباية على الراس لان اهلهم يرفضون عبايات عالكتف فتعودت انه تلبسها على الراس حتى لو جتها فرص انها تلبس عالكتف ترفض لانها مستحيه او ماتعودت <يعني النيه هنا للدنيا مو لله او انه حرام
اللي اثار هالموضوع بداخلي موقف صار من فتره الله يهدي الولد بعد حلقة طاش اقتنع بدين النصارى
واقتنع بكلامهم شوي
كنت اقول ببالي لو فعلا فاهمين الاسلام صح وماخذينه باخلاص نيه كان رفضنا اي فكر او اي مذهب يواجهنا
لاننا مقتنعين بديننا انه صح وش الفرق بينه وبين غيره
وليه هم غلط وليه وليه وليه
لكن اغلبنا تربى على اساس امي وابوي مسلمين وانا تربيت ببيت فيه الاسلام وتعلمت اساسيات
صلاة صوم وصدقه
ماعشنا هالعبادات بمشاعرنا واستوعبناها وفهمنا حكمة منها
مارح احكم واقول الناس ماعندها علم
بالعكس الاغلب الحين يفهمون الاحكام بس مانستشعرهااا ونفهم الحكمة منها ونربطها بالنيه والقلب
الاغلب لو نطرح عليه اي موضوع مثل ترك الصلاة بيقولك حراااااااااااااااااااااااام
طيب ليه حرام وليش ربي فرضها
ليش خلاها 5 فروض عشان يتعبنا؟ والا يفقدنا متعتنا وينغص حياتنا؟
والا ربي بحاجتنا نعبده اصلن؟ بينقص من ملكه شي والا بيزيده؟
وليه اللي مايصلي مايحس بالسعاده؟ مو هو ارتاح وينوم على كيفه ويصحى على كيفه ومايشيل هم صلاته؟
لان بكل بساطه كل هالعبادات اصلن احنا بحاجتها شي بداخل كل انسان انه يحس بوجود احد حوله ويريح خاطره ويلجأ له وقت ضيقاته ويستشعر نعمه عليه
لو احد من البشر تفضل علينا بمعروف واحد كان لازمناااه وحبيناه العمر كله فما بالكم باللي انعم علينا بكل ش حتى الهوا اللي نتنفسه
لولا حاجتنا اننا نستشعر ان في رب يسعدنا وونحس بوجوده ماكان ربي فرض علينا هالعبادات
الا لحاجتنا انا له مو العكس
والدليل اكثر الملحدين بالذااااات ينتحرون مع انهم عايشين حياتهم عالاخر بس كل اللي حولهم ضعااف وفيهم نقص
والنفس تحب تلجأ للكمال والقوه وهالشي مستحيل يلقونه في غير رب العالمين
كلنا نعرف حلال حرام بس نستشعره؟
عشان نحكم على انفسنا ومشاعرنا صح
شوفي نفسك لو منعك ابوك او امك او زوجك من شي وسويتيه من وراهم <تحسين بالرهبه والخوف صح؟
وشوفي لما تسوين شي حرام حتى لو اهلك سامحين لك فيه <يتحرك قلبك زي الموقف الاول؟ والا تقولين حرام بلسانك وماتشيلين هم انك سويتي شي يغضب ربي ويزعله منك او منعك منه
ولله المثل الاعلى
اغلبنا يهاب مجتمعه اهله ناسه لكن لما توصل اشياء بيننا وبين الله نهونها على انفسنا وتوقف مشاعرنا ونتذكر مغفرة ربي بدووووون مانحس اصلن بحجم اللي سويناه
كثير يتوووب مننا بس اهم نقطة ننساها فالتوبه الندم على مااافات يعني نقول ربي بيغفر اهم شي ماعاد ارجع للذنب
بس وين ندمك وحسرتك انك عصيتي ربك وين قهرك وضيقتك وخوفك من اللي سويتيه
وين رجاائك برحمته مستشعره وش سويتي بس مال مفر لازم تتذللين لربك عشان يرحمك
وفي النهاية ابي كل وحده تمر تجدد نيتها في كل عمل تسويه حتى بنومتها
ادري كلامي ملخبط ومو مرتب بس يمكن موضوع الولد ضيق صدري وخلاني افكررررر كثير
الواحد صار يخاف على دينه
لان محد يتوقع بعد 25 سنه يتغير دينه او او او
واللي جد تشوف في مشكله انها مو قادره تحس وتستشعر عباداتها
بعد الله وثم الدعاء ان الله يلين قلبها
افضل طريقه
اقعدي عددي النعم اللي ربي انعمها عليك
لك ام واب معروفين وغيرك محروم
عشتي بالاسلام وغيرك مات على كفر
تتنفسين بدووووون تعب منك كله بامر ربي
تتحركين واعصاب جسمك تخدمك وغيرك محروم
تفكرين وتحمدين ربك وتشكرينه غيرك قسى قلبه وحس انه هو اللي رازق نفسه
عدددددددددددي لما تقولين بس حتى بادق ادق الاشياء
تذكري عباداتك لربك والنقص اللي فيها
صلاتك احيان ماتخشعين فيها
صيامك صدقتك احيانا تكون لها سبب يعني نريد بها دنيا <انا ما اعترض بس قصدي ااننا مانخلصها كامله لله لازم نفكر بانفسنا
احيانا حتى دعائك تعددين طلباتك من ربك وقليل تتذكرين الاخره ويمكن لما نقول يارب ارضى عننا ماانحس بها زي ما نطلب ان الله يفرج همنا او كربنا يمكن فالثانيه نبكي
انا ما اعمم ويمكن مانسوي كل هالاشياء اللي ذكرتها بس مهما عبدنا الله فلم نعبده حق عبادته ولاتجي مقابلة نعمه من نعمه علينا
فما بالك وعباداتنا يدخل فيها النقص
اذا حسيتي بالفرق بتستحين من ربي وقتها وبتكتشفين ان عباداتك لك وان ربي لو انعم علينا واستجاب لنا فهذا من رحمته مو لفضلنا
وان شاء الله قدرت اوصل لكم اللي في بالي وعسى ربي ينفعني واياكم ويجعلنا من المخلصين فالعمل والقول لوجهه الكريم
ويتقبل اعمالنا يااااارب
واذا فيه تعليق او شي ما انتبهت له بكلامي لاتنسويني من نصايحكم
ودعواتكم لي
بقايا طفلهـ @bkaya_tflh
عضوة جديدة
يلزم عليك تسجيل الدخول أولًا لكتابة تعليق.
سدرة المنتهى
•
اي والله صادقة وجزاك الله خيرا على التذكير أخيتي ونفع بك
الله الله
صدقتي وربي
كلامك والله العظيم درر وصحيح مليوووووووووووون بالميه
للأسف أشيااء كثيييييييييييير تعودنا نسويها يومياً بدون مانستشعر حلاوتها
ولذتها وأنها عباده من الله
لو أخلصنا النيه فيها لاآجرنا الله عليها
كل وحده منا يجب عليها أن تجدد نيتها يومياً وتتوب لله يومياً
بل ماابالغ لو قلت باليوم أكثر من مره >>اقتداء بالحبيب وصحابته
وماشاء الله عليك كفيتي ووفيتي
جعله الله في ميزان حسنااتك
واسئل الله العلي العظيم يجعل بكل حرف كتبتيه لنا مثل احد حسنات
ويغفر لك ولنا ويجمعنا بالجنااان
انه على ذلك قادر
:)
أختي
بعد اذنك ..
أبيك تسمحين لي ابي اخذ موضوعك واضيف عليه كلام والقيه محاضره
الله لايهيينك
كلامك جمييل جداً جداً
والله يواجرك عليه :)
بعد اذنك ..
أبيك تسمحين لي ابي اخذ موضوعك واضيف عليه كلام والقيه محاضره
الله لايهيينك
كلامك جمييل جداً جداً
والله يواجرك عليه :)
الصفحة الأخيرة