حبيباتي كلنا تصير لنا مناسبات اجتماعية مختلفة.. احيانا سعيدة وهذي جعل بيوتكم عاااااااااامرة بها.. واحيانا حزينة ... الله يبعدها عنكم..ويكفيكم شرها..
وفي عبارات كلنا نعرفها ومتفقين عليها.. المشكلة تصير.. لما يجونك الاهل من برا البلد الي انتي فيه..
يعني انا قطرية.. ولي اهل في البحرين والسعودية والامارات..يتجمعون اغلب شي في المناسبات.. واكيد اضيفهم واقعد اسولف معاهم..
لكن احيانا اتوهق ما اعرف شلون أرد عليهم.. لين قالوا لي عبارات شكر ما اعرفها.. ماادري اذا انتوا بعد تمرون في هالموقف.. ولا انا بس..؟؟
فياليت نتساعد كلنا ونحط كل الي نعرفه.. عشان نتجنب الاحراجات الاجتماعيه... :09:
وانا ببدا بشي بسيط..
لين رجع احد من السفر.. وكلمتي اهله.. تقولين لهم
* قرة عينكم بــ ----- والرد يكون طبعا: بنبيك او بشوفة نبيك او بوجه نبيك ...
هذي طبعا مفهومه وواضحه..
* أول عليج والرد يكون : رحم الله والديج..
مع اني مب فاهمتها بس كلمة وتنقال.. :42:
وعلى فكرة.. ياليت ننتبه على الكلام الي نقوله في التعزية والمواساة.. عشان مايكون كلام مخالف يغضب الله سبحانه..
لاني سمعت ان مايجوز تقولين : البقى براسك.. <<< مثل البقية في حياتك... فياليت نتأكد من بعض ونتعاون على الخير..:26:
هذي الكلمات تنقال في حالة العزاء ( لا سمح الله )
ويكون الرد اكثر شي : شكرا جزاكي الله خير / احسن الله مسعاكم