عبايتك كيف تعتنين فيها

مرحبا بنات حواااء


طبعا المحافظه على العبايه شي مهم واساسي
خصوصا انه اللون الاسود مع كثرة الغسيل يبهت
ويشهب وممكن تطلع منها خيوط
وبما اننا نستخدمها كثير فمضطرين نغسلها ونتعتني فيها


بقولكم طريقتي في المحافظه عليها وياليت كل وحده تقول طريقتها
علشان تفيد وتستفيد

اولا

عندي اكثر من عبايه وكل عبايه مخصصتها لشيء معين

على اساس ماستهلكها

شي للطلعات العاديه والسريعه مثل السوق
شي للزيارات العائليه
شي للعزايم والمناسبات
يعني كل وحده وتخصصها


ثانيا

اغسلها باليد وليس الغساله بشامبو مخصص للعبايات او شامبو الشعر ويكون

الماء مو حار ولابارد لأن الحار مرة ينزل الصبغه السودا وبالتالي يشهبها
واغسلها بالليل لأن الشمس بالنهار تخرب لونها


ثالثا

اعلقها داخل الكبت (الدولاب)
على اساس ماتغبر وعلشان ماضطر اني كل مرة اكويها
لان كثرة الكوي يخربها

رابعا
اكويها بالمقلوب علشان مايخترب لونها ومدري اذا ضربتيها بالكوايه على وجهها
الاصلي تطلع لمعه على العبايه ويخترب منظرها

وبالنسبه للملافع
احرص عليها كثير خصوصا الملافع الغاليه
يعني انوع بينها ما اركز على واحد معين
وبعد مالبسه ارجع اصفطه واشيله في الدرج المخصص له
طبعا الي يكون من خام الكريب اغسله في البيت
لكن اللي يجي شيفون طبيعي اغسله في المصبغه
بس ولو بنات مادري ليش دايم يرجع صغران حجمه وش الحل؟؟!!!!:06:



وطبعا عارفين يابنات احيانا كريم الاساس او الماكياج
يطبع على اطراف الملفع....وصعب انك كل مرة تغسلينه
فنصحني واحد من اصحاب محلات العبي اني اجيب قطعة قماش
واحط عليها قاز وامسح الاماكن اللي تلطخت بكريم الاساس فيها موكل الملفع
وبعدها انشرها على الخيط على اساس تتهوى وتروح ريحة القاز
يقول هذي طريقتنا في تنظيف العبي والملافع:27:



طيب ياليت كل وحده تقول تجربتها

والسلام مسك الختام:27: