أهلين حبيبتي الـــ عديل ــــــــروح: :26:

حكايتي مع الدكتور العيسى حكاية. عندك وقت يا قمر تسمعينها؟

راجعت عنده لمدة ست سنوات. أول شئ عشان تساقط الشعر و زيادة الشعر الغير مرغوب فيه بالوجه. ما بقى تحليل و لا اشاعه ما سويتها. و من ناحية الأدويه كل اللي يخطر ببالك أخذته، حتى حبوب منع الحمل و أدوية القلب أخذتها (مع أني وقتها ما وصلت للعشرين ولا حتى تزوجت).

بعدين قال لي ما فيه حل لشعر الوجه إلا أنك تسوين ليزر، و أنا مثل الهبله "اللي تشوفه دكتور." "أوكي دكتور." "طيب دكتور." و سويت أول جلسة ليزر للوجه و الرقبه كانت حلوه. بعدها بشهرين سويت الجلسه الثانية (و شكلي كنت مزعله أمي هذاك اليوم وداعيه علي). الله لا يوريك.. بعد الجلسه على طول طالعت شكلي بالمرايه و كان أحمر. و هذا شئ طبيعي مع الليزر. لكن لما وصلت للبيت و قمت من النوم دارت فيني الدنيا يوم شفت شكلي بالمرايه (كأني طالعه من خناقه) رقبتي كان لونها بنفسجي و خدودي و زوايا الفم فيها بقع حمرا. و صار عندي تبقع تحت الجلد و صارت رقبتي مبقعه كأنها جلد نمر <== كشخه.صح؟
يوم ناقشته أمي بالموضوع قال:" لالالالا..، الجلسه كانت ناجحه ميه بالميه، لكن اللي صار للرشيقة هو عــــيــــن!!!!!!!!!!! لأن نتايج الليزر كانت باينه عليها حتى قبل لا تخلص الجلسه!!!!!!!!" عين؟!! و الله عذر أقبح من ذنب

دكتور فاشل و فهمناها، لكن يبرر فشله الطبي بأنه عين هذا اللي و الله ما أسامحه عليه. وربي لو فيه محاكم طبيه عندنا كان ما يردني إلا باب المحكمه. و مع ذلك ما راح أحلله و لا أبيحه ليوم الدين. يعني لو أنه قايل لي أني زودت العيار حبتين كان يمكن أسامحه..لكن يقول عين!!!!!

يمكن الدكتور نفع بعض البنات، و هذا اللي خلاني استمر معه 6 سنوات بسبب كلام اللي يمدحونه. لكن من بعد اللي صار أحس أنه من واجبي أني أحذر البنات منه. و أنا آسفه إذا كان كلامي زعل أحد. لكن و الله مو بيدي.
آه، و إذا كنت عزيزتي ما تهمك اللطعه بعيادة حضرته فروحي له. يعني لو تجين قبل موعدك بخمس دقايق و الا متأخره نص ساعه ما راح تفرق، لأنك أساسا ما راح تدخلين قبل ساعه و نص. حتى لو جيتي الصبح..نفس السيناريو راح يتكرر. و إذا دخلتي عليه، اكتبي كل أسئلتك بورقه لأنه ما راح يعطيك من وقته إلا 5 دقايق و حتى ما راح تلحقين تسألين كل اللي بخاطرك.

أسفه طولت عليك، عيوني. لكن الله يوفقك و يغنيك عن دكاترة الدنيا كلها. :26:

السلام عليكم ..

أنا مدري أي "العيسى" اللي تقصدين !!

في "ديرما" فيه اثنين "العيسى" :
عبد الله العيسى و أحمد العيسى

بالنسبة لي جربت عبد الله العيسى من زمان فترة قصيرة بس
وارتحت له .. أحس انه ماعنده مشكلة يناقشك أو يفهمك اذا فيه شغلة مو مرتاحة لها

واذا ماخانتني الذاكرة انمدحلي عبدالله العيسى للبشرة وأحمد العيسى لليزر

والله من جد تعقدت قبل لا اروح وشطبت العيسى والبسام من مخي

الرشيقه الله لا يبيحه ولا يحلله اذا خرب وجهك
ومتى لحقتي اصلن تاخذين العين وانتي من عيادته للبيت امكن نضلتي نفسك خخخخخخخخخخخخخ

اففففففففففففففف الدكاتره عندنا فاشلين فشل ذريع

باقي السماري نبي نسمع عنه اخبار زينه

هو .. هو .. هو !!!!!!!!

طبيب ويقول عيييييييييين ؟؟؟ اول مره اسمع فيها ... أجل كل طبيب بيحوس العالم ويقول عين !
الله لا يوفقه يالرشيقه ..

اختي عديل الروح نصيحة اخت اذا كانت بشرتك ما فيها مشاكل عضويه يعني مجرد اسمرار او كلف او حب شباب او حتى جفاف لااااااااااااا تروحين لعيادات النصب هذي ... والله لو تداومين على خلطات طبيعيه والمنظفات العاديه وكريم الليل والنهار ان تطلع بشرتك تجنن

انا رحت للطبيبه اليدا في ديرما وهات يا مواعيد ولطعه ويومك كله ضايع ومبالغ طائله لو أني متصدقه فيها على قريه انكان انتعشوا ...... ووصفت لي منظف وكريم للبثور وكريم للهالات السوداء ومقشر ب 1600 ريال
وخلصت العلب وشريت غيرهم وأنا هذاني على نفس الحال ما تغيرت .. ولا تنسين الوراثه دورها اقوى من أي شي
ما ودي احبطك يا بعد الدنيا بس ما ودي تنقهرين مثل ما انقهرت

واسفه طولت عليك :26:

الله يهديكم يابنات مدحتوا الدكتور اللى فى مستوصف فى اخر الدنيا ورحت له
على مدحكم والحين كنكم غيرتوا رايكم ؟؟

هو البغدادي رحت له واعطانى كريمات وهذا انا استخدمها من اسبوعين ماشفت فرق وهو يقول تحتاجين
من شهرين لثلاثه ..........عادي ؟
مالى خبره فى دكاتره الجلديه عطونى خبر عنه ......يستاهل انتظر شهرين ولا اغيره بس ؟؟

ترا اللى عندى اسمرار بل اسوداد بس ترا سببه الاصلى عين والله

وش رايكم ؟
اكمل على كريماته ولا اروح ادور لى شيخ يقرا علي ( قويه يقرا علي خخخخخخخ )
من بعد اذنك ياحبيبتى عديل الروح بس هقوتى انك كنتي من ضمن اللى مدحوا البغدادي فطيرتى عيونى
يوم شفتك بتروحين لغيره