عبره لكل بنت ناويه تتزوج انتبهو من الخطاااب

السلام عليكم ورحمه الله وبركاته


كيكفكم بنات ان شاء الله كلكم بخير وصحه وسلامه اليوم ولله الحمد ماعندي مشكله بس لانكم خواتي حابه احذركم واوعيكم من شويات جالسه اسولف مع صديقتي عندها بنت خالتها ماشاء الله جميله وجامعيه وتدرس طب اسنان البنت تقدم لها واحد من جماعتهم مستوي وفلوس ومركز والكل يمدحه ويتمناااه وتمت الموافقه بس طبعا لانها تدرس طب شرطت شرط غريب وسبحان الله كان بصالحها بعد الموافقه طبعا في تحليل توافق حق الزواج هي قالت انا متخوفه ولازم تحليل شااامل له ولي لانه انا بصير طبيبه واعرف انه في امراض وبلاوي وعقم وهالشغلات ومن حقه يعرف الي له والي عليه وهالشي بصالحي وصالحه باليدايه الكل وقف ضدها وقالو لها عيب وماادري ايش كيف ووش نقووول للرجال روح حلل شوف اذا انت سليم ميه الميه او عقيم او معاك مرض وراثي مو حلوة ومن هالكلام
ومع إصرارها وحتي اهل الخطيب تضايقو ولكن هو رضخ وراح حلل وكانت المفاجاه حضرته عنده ضعف جنسي شديد ومايقدر يقوم بالمعاشره الزوجيه طبعا هو قال لابوها انا ادري فيني بلا بس قلت اتزوج ممكن ينصلح حالي يعني حضرته يبي يجرب ببنت الناااس ان صلح زين ماصلح يبلشها
وأهله تفشلو واعتذرو للبنت وقالو لها من حقك ترفضيه وماحد يلومك وفعلا تم الرفض
الي ابي أقوله من كل هالموضوع يابنات انتبهو علي نفسكم انا بيوم من الأيام كنت عازبه واستني يجي رزقي وتعرفون ضغوطات الناس ونظرتهم وممكن مشاكل الاهل تخلي الوحده ترضي باي شخص مهما كااان
بس نصيحه لوجه الله أي وحده تبي تتزوج لا ترخص روحها ولا تترديي لاي شخص فيه عيوب وتقولين ماعليش هذا زواج وعشره مافيها ماعليش او بجرب او عشان اهرب من كلام الناس الناس مابينفعونك لا اذاك او تطلقتي او اهانك او ضربك عزي نفسك واعرفي قيمه نفسك واختاري طريق حياتك مو بس بالحاله الي ذكرتها فوق ختي في حاله مطلق او ارمل او معدد اذا متردده او ماينوثق فيه وين المشكله تكتبين علي ظهره مؤخر كبير وشروط تتسجل بالعقد حق الملكه تري الحق حق وماينزعل منه لا قطك بره ومعاك 3 او 4 عيال وش بتسوين لكن اضمني حقك وحق عيالك ولا تخلين اشباه الرجال يلعبون فيك تري انتو مسؤولين عن حياتكم وياااما حريم متزوجات وعايشين بعذاب يتمنون انهم عوانس ببيت أهلهم ولا مهيونين ببيت رجال مايعرف قيمتها اتمني الكل يشارك بالموضوع والكل ينصح في بنات كثير محتاجه نصيحه ومش عارفه وش تسووووي وربي يرزقنا ويرزقكم ويحقق جميع امانيكم يااااااارب ادعو لي بالذريه الصالحه اختكم بحاجتكم وربي يرزق كل عازبه رجال يفرح قلبها ويعوضها ويرزق كل محرومه ويرزق الجميع يارب وسامحوني كلامي ملخبط ومش مرتب وفي أخطاء املائيه ولكن من جد قلبي محترق من الي اشوفه بهالقسم وظلم الرجال لحريمهم