غزيره يالهموم اللي تساقط لا نظرت لـ فوق
............طويله يـ الليال اللي تغنّي الحزن طربانه
غريبه يالصدور اللي تحبّ ولا تعرف ‏الشوق
.........غنايم عشقها ضلعٍ .. ترك لأحبابه أشجانه

قمت أصوّت عليهم ماوصلني جواب
راحوا أحباب قلبي , مابقى لي ونيس


شرّعوا باب قلبي , وآقلعوا : للغياب
آخر العهد فيهم كان : يوم الخميـــس

ماكان حزني يشبهك وانت ادرى
إنى نهيتك قبل حتى البداية !

ياما إحتضرتك موت وأصبحت ذكرى
حتى إفـْ بعادك ساكنٍ بي غواية !

باب السهر يا ضيقة الصدر مفتوح
تمخطري .. ما حولك الا عيونـي

للصمت لذة .. لا غدا للوله بـوح
رغم ان صمتي ما يخفف طعونـي

بي حزن شاعر وابتسامات مجروح
ولي دمعتينٍ لا سهيـت اذرفونـي

ما كن لي قلبٍ ولا كن بـي روح
ما هوب ذا شكلي ولا هوب لونـي

متوحدٍ في غربةٍ ترفـض تـروح
مستوطنتني كني احيـا بدونـي !

لا صار باب الصدر للحزن مفتوح
مانيب لايم دمعتي ..... يا عيوني