لك من سنينك ما انكتب .. ليه الغرابة ؟ والسنين:
سبعٍ سمان وبعدها يـا صاحبـي سبـعٍ عجـاف

قمت أستشفك ذنبٍ أبيض .. يا عقاب المذنبيـن
وأنااااا .. اتأرجح بين نار المغفـرة والإقتـراف

أرتّبك في داخلـي .. واستوطنـك شـك ويقيـن
وأشك بشكوكي، يقين إنك مـن الحلـم اقتطـاف

البارحة مرت كذا .. والقلب في صمتـه سجيـن
البارحة مرت كذا .. والقلب يرفـض الاعتـراف

البارحة وأرسم ملامح .. طفل لو يضحك حزيـن
في يديه كراسه كتب في صفحة الآخـر "عفـاف"

البارحة وأقرا ملامـح .. طفلـة السـر الدفيـن
في يدينها كراس فاضي من الغلاف إلى الغـلاف

عفاف وش تعطيني ؟؟
هذا بيت شعر باسمك

فيني خلايا تنزف الحزن والهم وفيني طلاسم محدن قد قراها
فيني هموم تذرف دموعها دم وأنت الحروف الباقية عن سواها
لك خافقي رحب وهلا وسلم ولك العيون تعيش لأقصى مداها