البارحة لا زان حظي ولا زنت
..... كن الحزن طوق على ناظري طوق

وين إنت ياللي في عذابي تفننت
..... ب هديك بيت ما على غيرك يلوق

بهديك بيتٍ كم سنة فيه هيجنت
.... بيتٍ يساوي ألف معنى وطاروق

ليت الخلايق تنقلب كلها إنت
.... واصير اشوفك كل ماشفت مخلوق

اعيونك بليل الشتا .. هى لباسي
ولحاف قلبي وارتعاشة عبيري


لو قلت أحبك مدري اش هو قياسي
يعنى سـ/ماي .. وماي وجناح طيري


والا الفرح لو كبلتنى المآسي
والا انت فى داخل وريدي خشيري


أظماك لين أحس قرَب يباسي
وأقرب غيومك وأعجل مسيري

لا غدى جوّي خفيف وصرت رايق
أرسم البسمة على اللّي صاحبوني

ولا تكدَّر خاطري .. وأصبحت ضايق
ما اتكلم بس .. واضح من عيوني

من زعل يزعل .. ولكنـهـَـا حقايق
في الشدايد .. كلكم .. ما تنفعوني

وكل ٍ يوم ٍ بدونك ينقص من العمر ,
شوف .. كم ضاع من عمري , وانا منتظرك ,

كن الغيوم الماطره و النواوير ،
ترسم على عيني ملامح خيالك


ابوصلك,, كلّي حنين و معاذير
ليا بديت اوّل نهاري,, قبالك !


بناظرك من دون همسه و تعبير
و ابـ تسمّر في نواحي ظلالك


انتي (صباح) و طلّة عيونك (الخير)
يعني (صباح الخير) ما اقولها لك !