هذا ثمر قلبي تدلى قبل يأتي موسمه
.... مدي يدينك واجمعي فرقاك من عذق العتب

أنا ثملت من الفراق اللي خذا وجهي سمه
.... شوفي ملامح غيبتك تقرا قبل لاتنكتب

في وجهي الشاحب وفي آهات صدري ونسمه
.... في ناضر عيون ٍ هميل الوجد منها ينسكب

يا نور لحظات ٍ غدت من دون وجهك معتمه
.... وينك؟بدا هذا الحنين بجوف صدري يحتطب

ياحب ٍ إجتاح الضلوع وفج قلبي وقسمه:
.... نصفين وأزريت اجمع النصفين وغيابك سبب

حب ٍ بقى لو واقعه مره بحاليه صدمه
.... عشق ٍ حيا رغم العطش في روض روحي معتشب

ليت الغلا ذنب ٍ تجناه الخفوق ويندمه
.... وليت الصبر جرم ٍ اليا طاولت همي يرتكب

ما كل الليالي قمرا
ولا كل الطرق تنداس .