الحلقة السادسة
... اليوم الثالث عشر والاخير في ماليزيا ...
اختلطت فيه المشاعر بين الحزن على فراق ماليزيا والعودة للوطن
اشتقت لاهلي والاولاد ,, والمسحب الحراق من البيك ..
وبنفس الوقت راح افتقد ماليزيا .. اجمل الايام مرت بلمح البصر
دائمآ ما تنتهى اللحظات الجميلة بسرعهـ
رحلتنآ الساعه 3 الظهر اخذنآ راحتنآ في الفطور والجلسة على المسبح
جولة في ارجاء المطار والسوق الحرهـ
كانت معانا فكة تقريبآ 80 رنقت .. رحنآ اخذنآ فيها شوكلاتات ..
حالفه ما نزجع معانا سنت واحد ...
وااااااو وصلنآ جدهـ .. يالبى هالديرة احبهآآآآ
تقيمي للخطوط السعودية في رحلة العودة عكس الذهاب تمامآآ
المضيفات افتقروآ للاحترافية في التعامل مع الركاب
صارت مناوشات واخذ وعطا عشان المقاعد .. ولخطبة طويلة عريضة اخرت الاقلاع نصف ساعه تقريبآآآآ
لدرجة ان الامن من المطار دخل الطيارة عشان يشوف ايش المشكلة
وكل الركاب تنرفزوآ وتوتروآآ ,,,
لاحظت ان اغلب المضيفات في درجة الضيافة متدربات وليسوآ على رأس العمل
لذلك ما كانت اي احترافية في العمل
طول الوقت قالبين وجيههم وزعلانات مدري وش مضيق صدورهم .. !!
طيب احنا وش ذنبنآآآ .. ؟
طبعآ المضيفات الاساسيات عند الدرجة الاولى ورجال الاعمال واحنا ناكل هوا ..
الوجبات جدآ سيئة واعتقد المشكلة من مركز التموين اللي بكوالالمبور
واضح الوجبات شغل ماليزي ..
واجهتنآ مطبات هوائية قوية المضيفات ما عرفوا يتعاملوا معاها صح
الجميع توتر ,, وهمآ كانوا متوترين اكثر منآآآ ...
وصولنآ كان فيه تأخير شئ بسيط .. والحمدلله الرحلة عدت على خير
ماليزيا بلد سياحي متكامل 100% وبدون مبالغه
يعني نموذج مثالي للدولة السياحية ... السياحه عندهم صنعت صناعة
على الرغم انها مهيئة من ناحية التضاريس والطبيعه
والشواطئ
ولكن مهارة الانسان اضافة للبلد الكثير ,,,
العرب جزء صغير من حجم السياح الاجانب ن مختلف انحاء العالم ...
( الايجابيات )
1/ تنوع التضاريس تجعل كل مدينة دولة مختلفة بأجوائها وطبيعتا
2 / تناسب جميع الاذواق السياحه ستجد الشواطئ الرئعه / الطبيعه الخلابة
/ التسوق الممتع / الاجواء الباردة / الملاهي / اجواء رومنسية وايضآ صاخبه
3/ ممتعه للعائلة والعرسان والشباب .. والاطفال لهم نصيب كبير من هذه المتعه
4 / مستوى الفنادق اكثر من رائع واسعارها مناسبة ... اختياري للفنادق كان 4 نجوم
والحمدلله موفقه للغاية
5 / اسعارهآ قريبة من الخليج من ناحية رسوم دخول الاماكن السياحية والمطاعم
وكثير من الاحيان ارخص
6 / تناسب جميع الطبقات المادية .. حتى الميزانية الضعيفة تستطيع ان تستمتع في ماليزيا
7 / التسوق في كوالالمبور جميييييييييييييييل وخاصة في التايم سكوير
8 / التواصل مع الشعب الماليزي ليست فيه اي مشكلة ,, يتقنون الانجليزية
وبعضهم يعرف القليل من الكلمات العربية من كثرت الاحتكاك بالعرب
( السلبيات )
1 / الرحلة الى ماليزيا طويلة ومتعبه وقد لا تناسب العائلات بأطفالهم
2 / حرارة الجو والرطوبة العالية في الجزر وكوالالمبور
3 / الاكل في ماليزيا لا يناسب اغلب العرب
4 / ارتفاع اسعار الفنادق في المواسم بشكل كبير
5 / كثرة السعوديين والخليجين ومظاهر البذخ المبالغ فيه جعلت الخليجين الجهه الانسب للاستغلال
من بعض الماليزين ... وهذه الامر ينتشر في البلدان اللي يكثر فيها الخليجين ...
( الجدول المثالي لماليزيا 14 يوم )
يومين سلانجور
3 ايام لنكاوي
3 ايام بينانج
يومين جنتنق
4 ايام كوالالمبور
اذا كانت الايام اقل من 14 يوم الافضل الغاء بينانج والاكتفاء بلنكاوي
في الاخير شكرآ لكم جميعآ على المتابعه المستمرة لحلقات رحلتي اول بأول
والتشجيع في كل مرة وكل رد
وارجوا من الله ان يتحقق الغرض من هذآ السرد الا وهو الاستفادة من كل معلومة ذكرتهآ
وكانت سبب في نجاح رحلة اي مسافر لماليزيااا
الصفحة الأخيرة
نصيحه من وحده مجربة خذي كل شئ من السعودية لان هناك عندم الاسعار مرتفعه
وكمان اكلهم مختلف تمااامآ
حتى الجبنة ما يعترفون فيا
ايوة فندق فيورمآآآآآ
الله يسلمك والف شكر على مرورك العطر
لا ولا يمك راح يقتنع .. لان الناس خلاص بطلت شئ اسمة مكاتب
امين يارب .. الف شكر على مرورك العطر يالغلاا