روعه عشت الجو الله يسعدك كملي

حياكم الله يالغاليات
الف شكر لكم على المرور العطر

الرحلة فعلا بدون اطفال سيم هنى مون هههههههههههههههههه

تذاكر الطيران حجزتها قبل الرحلة ب 6 شهور

والفنادق اخترت فنادق اقتصادية 3 و4 نجوم .. وحجزتها قبل الرحلة بشهر

طبعآ لو تبغون شئ افخم تدفعون اكثر

وكمان الطيران الداخلي قبل الرحلة بشهر ونص

ياحبيباتي الحجز المبكر من افضل وارخص ...

يا الله توني جايه وانا وعيالي روعة

بس والله صرفنا ما حجزنا الا برمضان والفنادق خمس نجوم والطيران الداخلي الخطوط الماليزية ما كنا نبغى شي يخرب علينا

وصايف ماخفت من الجسر اللي الصن وي لاقون انا قعدت اتشهد واصيح

اللي راحت لدول مازالت تحب ماليزيا صادقة يكفي تسمعين الاذان وتشوفين اوادم (مسلمين )مب حيوانات

>>> الحلقه الثانية <<<


في الحلقة الماضية توقفت عند صباح اليوم الثالث
عند الانتهاء من الافطار نزلنا و تاكسي لمطار اير اسيآآآ ... اخذنآ التاكسي ب 70 رنقت
شاب ماليزي ملاوي اخلاق وحبوب ..
جلسنآ نتكلم عن اسعار التويوتا لان الاوريون عندهم كامري ..
وليش الكامري حقتكم احلى من حقتنآ
<< ضايق صدرها من السالفة
قال انه سعر الكامري في ماليزيا تصل إلى 200 الف رنقت موديل ال 2012 ........... !!؟؟

قلت له خييييييييييييييييييييير ياخوي سلامااااااات .. ياجعلني ما شريتها ههههههههههههههههههه
طبعآ انا ماصدقت هالملاوي لان سألت اكثر من سواق وقال لي نفس الكلام
صراحه مرررره اوفر
يعني بالريال 240 الف ريال سعودي ..
سألته عن سعر البنزين للتر .. طلع 2,80 رنقت ..
زوجي قال له اللتر لا يتعدى الـ 40 سنت في السعودية
طبعآ الشاب جاته لحظات عدم استيعاد وصمت مفاجئ .. خخخخخخخخخخخخخ
قلت له بالعربي ترى هذا ازين شئ عندنآ في السعودية
زوجي يطالع فيني
الحين عاد بيفهمك هوآآ ............ ؟؟


المهم سيبوكم من حكاية التويوتا وسعر لتر البنزين ونرجع لمطار اير اسيآ التعيس





المطار سئ جدآ والتنظيم فيه معدوم
غير الزحمه وحوست طباعة البوردينق .. لان ما عرفت كيف اطبعه وخفت اني اجيب العيد فيه
فزعت لنآ وحده صينية انا اشهد انها نشمية
طبعت لي البوردينق ..
ومسكتني من يدري على الشاشة الالكترونية تفهمني رقم الكاونتر ورقم الرحلة ...
كان في شاب عماني مع زوجته يراقبنا من بعيد انا عرفت انه متورط مثلنا ..
ههههههههههههههههههههه
لما خلاص ضبطت امورنآ ومشيت لقيتة راح لنفس الصينية يسألها
واشوفها تجاوب عليه متحممسة ..
بعدها طلع معانا بنفس الرحلة ..
وقابلته بتلفريك لنكاوي .. وكمان بالعبارة لبينانج
هههههههههههههههههههههههههههههههههههه صار فلم هندي ..


خلصنآ اجرائات صعود الطائرة الحمدلله .. والاقلاع على التايم ...



هنآ لحضات الانتظار وكلي شوق الى الساحره لنكاوي







وصلنآ الى لنكاوي بالسلامة ,, وعشق من آول نظرة ..

إلى كاشير التكاسي ... بيست ستار هوتيل ( 18 ) رنقت ... سعر معقول جدآ
الطريق إلى الهوتيل ..






زوجي لما شاف الفندق انصدم لانه شعبي وهوا شالية اكثر من فندق ...
قال انتي متأكدة هذا الفندق
قلت له توكل على الله وادخل .. شفت تقرير سراج عن هالفندق ولا 100 مره
هههههههههههههههههههههههههههه ..
قدمت ورقت الحجز قالت التشيك ان الساعه 2 او 3 نسيت صراحه ..
واحنا وصلنا على 1 ونص ..
قلت اجل نروح ناكل لنا لقمة وخلي الشنط عندك لا هنتي .. قالت ابد ازهلوهااا ..

<< سلكوا الموضوع ولا تدققون ..


وجولة على الشارع الخلفي للشاليه منطقة شعبية ولكن جميلة جدآ وحيوية
قريبة من السوق الليلي في بينانج ولكن بشكل ابسط ...
اغلب الباعه من الملاويين المسلمين عكس بينانج


وغداء في ماكدونالدز القريب من الفندق .. مشى على الاقدام ..
ب 12 رنقت فقط .. تخيلوا ... ؟؟؟





عودة للشالية .. ادخلوا برجلكم اليمين ..