عبودي اتعبني مااعرفت احدد حالته ولااتعامل معه ساعدوني بحل لمشكلتي

السلام عليكم ورحمة الله وبركاته

خواتي الله يسعدكم ابغى رايكم بحالة ولدي
ولدي الثاني ترتيبه بين اخوانه عمره الان 4 سنين و7 شهور

كان الولد هادي وحليل ويحب يجلس عند التلفزيون وياخذ الكلام مني ومالاحظت عليه اي شي
فجاه انقلب له الحين سنه منقلبه حالته
لشخص ثاني
خوواف يخاف حتى من الظل وحنوون مرره يرحم اي شي وعصبي يصرخ مزززززززززززززعج الا بغا شي قلب الدنيا مستعد يضرب بأي شي قدامه
اول كانت تضربه بنت عمه ويبكي ويقولون له قل لها اسف ولا مانعطيك ولا مانسوي لك ولا ماتروح معنى الي يقوله قل كذا جدته فصارت تستقوي زياده وتضررربه ويعتذر لها وانا انقهر واقولهم لاتذلون ولدي هي غلطانه لاتعتذر لها اهاوشه اقوله طقها هي طقتك وهم قولون عادي خليه يتعود تاسف طيب هو ماضربها هي ضربته
الحين صار وولدي يضرررب ويصرخ ولاعاد يفرق بين هو غلطان ولا موب غلطان يمشي ويعتذر حتى لو ماضرب احد يتاسف :mad:
وانا مقهوووره مرره

ولدي احس معد صارت عنده ثقه بنفسه

يتطتنزون عليه عماته وجدته ويقولون عنه قدامه ولدك ثقيل دم ولدك مززعج وعيالهم حاطينهم ملائكه لو قلت فيهم شي زعلووو
الحين ولدي عجزت بربيه برجع ثقته بنفسه ان قلت له ماعليك انت قوي انت بطل الي ضربك اضربه صارت مذبحه وازعاج والولد صار بس يبكي ويطفشني
وان ضربته زاد ولاهاوشته صرررخ تعبت معه

والي مقلقني الحين انه الولد يكرر الكلام لابغى شي مثلا يبي عصير او ككاو ماما عطيني ماما يلا عطيني انتي تقولين لا ماتبغين تعطيني يدبل كبدي اقوله انا قلت بعطيك خلاص اسكت يرجع يقولي قولي ايه ايه بعطيك هذا مثال وكل مابغى شي على هالمنوال لين اعصب واصرخ منه
ويتبول على نفسه بالليل واحيانا لاصار منسجم باللعب الاقيه مقطر شوي على ملابسه
واما الاطفال يحب يلعب مع الي اصغر منه
وديته الروضه هالسنه ومعلمته تقول انه كل شي يبغاه له لحاله ويجلس يبكي لو ماعطيناه

ولااادري وش هالحاله الله يصلحه ويهديه ابغى حل معه محتاجه شوركم ومن قد شافت احد مثله