عتدي توست كثير وش اسوي فيه ؟؟؟؟

توست بالفلافل
افردي التوسته بعدين جهزي خليط عندك من زبادي وطحينه وثوم مدقوق
وادهنيه فيها بعدين جيبي فلافل مطحون مع بقدونس ومخلل مقطع صغير وطماط مفطع صغير واحطيه بالتوسته ولفيه زي الرول وسكريها بالضغط عليها بعدين اغمسيها
بالبيض وبعدين بقصماط وبصحه وعافيه

اعذريني مستعجله باقي شوي ويأذن المغرب

اتمنى اكون افدتك

حبيبتي عندي طريقة تستفيدين منها ان شاء الله وهي
تجيبين التوست وتقطعين اطرافه وتخلينها على جنب تفردين التوست زين لين ماتصير خفيفه مره واقطعيها على شكل دائره بالكاس
وغطيها بالبيض والبقسماط وخليها شوي بالثلاجه لين ماتتمتسك بعدين حطيهم بالفريز
اذا تبين تستخدمينها اقليها ... بتطلع لك مثل شكل التاوه واحشيها باللي تبين
ان شاء الله اكون افدتك

فيه صياني توست..اللي تفرشين التوست بالصينية تحت..ثم تحطين الحشوة اللي تبين"دجاج..خضار..لحم"ثم تغطينهت بتوست ثاني ..وتصبين عليها خليط القشطة والجبن السايل وتدخل للفرن تتحمر من تحت ومن فوق وبالعافية..

انا مثلك كان عندي في الثلاجه كيستين تووست للحين مدري من اللي مفجوع وجايبهم 0
بس مااقصرت لك فيهم امس سوويت صينية تووست نفس فكرة ام فوفو حشيتها( تونه مع مايونيز ومكعبات بيضه مسلوقه وبازلا وزيتون اسود وشوي جزر مبشوور وملعقه طحينه ورشة زعتر ورشة نعناع جاف وشوي فلفل اسود ورشة عصير ليمون ) وطلعت حلووه وكلوها اخواني اسم الله عليهم مابقى منها الا شووي بس0
واليوم سوويت كنافه كذابه وبرضو طلعت حلوه وكلوها كلها اسم الله عليهم - وصفاتها كثير سوي بحث - واذا تبين طريقتي تراها مره سهله : كيس التوست شيلي الحواف كلها عنه وحطيه في خلاط المولينكس حق تجهيز الطعام - وبعدين صبي فوقه كوب زبده سائحه ( امي تقول المره الجايه حطي نصف المقدار زبده والثاني قشطه احسن واخف ) المهم جيبي ثلاث اربااع هالكميه المفتته مع الزبده ورصيها في صينيه بايركس - بعدين حطي عليها الحشووه اللي هي ( كاس ونص حليب طازج على النار اذا سخن ضيفي له نص كوب نشاء ونص كوب سكر وحركيهم بسرعه مع بعض وشيليهم عن الناار تلاقينه بدى يغلظ -الحين ضيفي عليه علبة قشطه وحركيهم ) الحين احشي بها ورشي رشة جبن موزاريلا ( اختياري ) وغطيها بباقي التووست واضغطي على خفيف بعدين حطيها في الفرن تتحمر من فوق شوي ومن تحت شووي وبعدين رشيها شيره وفستق0

وبرضو ممكن تسووين كبة توست لها اكثر من طريقه بس حلووه - سوويلها بحث هنا وبتعجبك - انا مسوويه اللي بالخضاار والتونه وطلعت حلووه وبرضوو حبوها اخواني0

وممكن بعد تصلحين به كلوب ساندوتش -,او بيتزا سريعه, او تقطعينه مكعبات وتحمصينه شووي في الفرن وتحفظينه في علبة في الفريزر للسلطات ,وومكن تقطعينه مستطيلات وتمسحينها ببيض او جبن ساايل وترشين فوقها زعتر او سمااق ,او ممكن تقطعينه بيدك وتضيفين عليه حليب وتعجنينها وتسووينها نفس الكبه الشاميه بس بدل اللحم والبرغل يكون خبز توست وحليب 0
كثييير طرق بتلقينها حلووه للتووست لاتشيلين همه :)

ما شاء الله ما قصروا الأخوات ومثل ما قالوا سوي كنافه كذابه وبيتزا في الة التوست وصينية توست والتوست صفيه في صينية فرن وادهنيه بالخلطه اللي هي جبنه سايله ومايونيز وبصل مبشور وبعدين دخليه الفرن من فوق يتحمر طعمه حلو وممكن تدهنينه بجبنه ومايونيز وجزر مبشور وبصل اخضر مفروم ودخليه الفرن يتحمر أو حطي عليه نفس حشوة البيتزا وحمريه في الفرن وممكن تسوين عيش السرايا أو تصفينه في صينيه وتصبين عليه كريم كرامل بعد ماتسوينها بطريقتها العاديه بعدين دخليه الثلاجه ثم الوجه دريم ويب وقشطه وزينيه بالهرشي وممكن تقطعينه بالشكل اللي تبين وتحمرينه وتحطيه في السلطات