عجانة الكينوود

السلام عليكم ورحمة الله وبركاته

شحالكم خواتي

نويت ان شاء الله اخذ عجانة الكينوود .. وطبعا بدون ملحقات لاني ما احتاجهم
وفكرت اخذ اللي 1500 واط يعني اكبر شي ويقولون احسن شي

المهم خواتي قبل لا اتهور وارمي فلوسي عليها ابا اسأل حد منكم جرب وصفات منال العالم فيها يعني خبز فطاير كيك .. الخ

هل تحسون بانها طلعت مضبوطة والا كيف؟؟

انا الحمدلله ناجحة في مجال العجن باليد بس اتكاسل وايد خاصة لو كانت العجينة كبيرة عشان جذا افكر اشتريها وافك نفسي بس اخاف ما استفيد منها وايد واتوهق جدام ابو الشباب.. ولا تنسون ان رمضان على الابواب

وصح ابا اسأل هل اقدر اعجن فيها خبز وخمير وغيره الى جانب الفطاير ؟؟

يعني لو بس تسوي فطاير فما احس انها وايد بتفيدني .. لكن ودي عقب ما اشتريها اصير شيف زماني واسوي الخبز وسوالفنا المعروفه فيها ..
هل تتحمل والا هي بس خاصة للفطاير

وفيه ناس قالوا ان صناعتها ايطالية بس احيانا يكون التجميع صيني .. الحين وشلون اعرف ان التجميع صيني .. يكتبون عليها مثلا والا صاحب المحل يخبرنا ..؟؟

سامحوني غثيتكم وانتظركم ربي يجزاكم الجنة