عجايب الصلاه على النبي تجربتي

اول شي يشهد الله اني ماكذبت بحرف ثاني شي اذكرو الله المهم قبل كم يوم شفت وحده بالانستقرام تتكلم عن فضل الصلاه على النبي وكيف تحققت امنياتها وتيسرت امورها بالصلاه على النبي وقلت ليش ما اجرب لان محتاجه مبلغ ابغى ااثث فيه مجلس الحريم ومزنوقه ذي الفتره وقعدت اصلي على النبي الصلاه طول الوقت وانا اشتغل وقبل ما انام في كل وقت اول شي لاحظته احلامي كثرت عن حيوانات اسود وبسس ودببه تهاجمني وبعدين تصير اليفه وشفت ٣ حريم اعرفهم كانهم يتكلمون عن حياتي والحمدلله كثير تغيرت نفسيتي وزوجي مرره مرره تغير كل مايبغى يطلع يقول حبيبتي فلانه اليوم معزوم لاتقولين ماشاء الله ماتحس فينا ماتطلعنا ههه المهم والله العظيم انه ماكان يهمه يقول بطلع وبس لو اتكلم واعصب يضحكني ويروح المهم وشويه قال انا بكره باخذ دلاله لان بيبيع عقار وبحطها في يدك سوي فيها مجلس الحريم اقسم بالله ربي شاهد لي ٦ شهور كل يوم اترجاه نسوي الغرفه ويطنش يقول مجلس الرجال يكفي اعزمي فيه هاذي الغرفه فيها عفش وين نوديه ودايم يخبي علي مايعلمني لو عنده فلوس زايده وبعدين قال يوم الخميس استأذن وبوديك بنك التسليف خذي قرض انا اكفلك واشتري سياره اذا تبغين ولا حطيه في مشروع بكيفك والله العظيم انه كان يكره اجيب سيرة القروض بس الحمدلله لاحظت مره تفكيره تغير وتيسرت اموري وطلبت طاولات كان نفسي فيها ولا اعترض مع انه اكثر انسان يكره التغيير ولا اشتري اثاث الا بنق وزعل وهواش اللهم لك الحمد يارب شفت كيف فضلها مع اني احيانا انسى وماطولت بعد اسبوع لاحظت اشياء كثير تيسرت ونفسيتي صارت احسن كنت اقولها بصيغة الصلاه الابراهيميه اللهم صلِ على محمد وعلى آل محمد كما صليت على ابراهيم وعلى آل إبراهيم انك حميد مجيد وبارك على محمد وعلى آل محمد كما باركت على إبراهيم وعلى آل ابراهيم إنك حميد مجيد 🌹