السلام عليكم ورحمة الله وبركاته ..
أسعد الله صباحكم/مسائكم بكل خير ..
اليوم أنا أكتب هالموضوع وأنا شااااااابة ضووووء وببرد حرتي
ليش كذا يا ناس والله عييييييييييييب
إن كنت بالسوق ولا بأي مكان عام ومر من جنبك واحد/ة من ذوي القدرات الخاصة وشوله تبققين عيونك كأنك ضفدع وتطالعين بكل بلاااااهة فيه !!
ما بقى إلا تمسكينه عشان تتأكدين إنه حقيقي
يعني ليش تطالعين فيه أول مرة تشوفين شئ زي كذا ولا حضرتك لك نظرة ما تخيب في الشفاء
أقسم بالله مرتفع ضغطي من هالمناظر اللي أشوفها وآخرتها أمس بالسوق
وربي لولا الحياء لأنط بعيون هالحريم وأقول لهم خييييييييير وش فيه!!
يعني الصغار يمكن نعذرهم لكن وحدة هالكبر طول بعرض وتطالع كأنها منفجعة!
والله عييييييييييييب
قسم بالله إني أرحمهم وأقول أشوا هم صغار ماهم فاهمين لكن لا كبروا والناس كذا هنا المصيبة بتتحطم نفسياتهم
غير نفسية الأهل اللي تتأزم من نظرات الناس
أنا الحمدلله ما عندي أحد بالعائلة من هالفئة لكن هذا ما يمنع إني أحس بمشاعرهم
رجااااء خذوا على نفسكم عهد إنكم ما تطالعون كذا بهالفئة إنظروا لهم نظرة عادية تراهم بشر مثلنا يحسون..
أسأل الله أن يعم عليهم بالشفاء والصحة ونراهم أبناء فاعلين في المجتمع..
معذرة على الأسلوب وشكراً مقدماً لكل من دخل ورد واقتنع بالكلام..
ومضة طموحة @omd_tmoh
عضوة نشيطة
يلزم عليك تسجيل الدخول أولًا لكتابة تعليق.
يد الخير
•
لااله الاالله
الصفحة الأخيرة