عجة الارز طريقة جديدة جدا

علي فكرة طريقة العجة بالارز اللي قالت لي عليها هي مرات خالي
انا كنت عندها وبصدفة كانت عملها وقالت لي عليها لكن انا في الاول استغربت ومكنتش عايزة ادوقها لكن لما غصبت عليا واكلتها لقيتها حلوة جداااااا
وهي نفس طريقة العجة العادية بس الاختلاف الارزيعني بدل الدقيق ارز المهم انا حقولكم علي الطريقة ويارب تعجبكم

(عجة الارز)
المقادير :
5 بيضات
1 كوب ارز مستوي يعني معمول عادي سواء كان مسلوق اوارز عادي
2بصلة متوسطة مقطعة قطع صغيرة (مخرط)
حزمة شبط + حزمة بقدونس + حزمة كزبرة خضرا( مفرومين)
2طماطم مقطعة قطع صغيرة
1 معلقة بيكنج بودر
الطريقة ::cook:
1- نحضر طاسة بها قليل من زيت عافية او اي زيت عندك ثم نضع البصل ويقلب حتي يصفر لونه ويصبح لونه ذهبي
2- نضيف الطماطم عليه ويقلب جيدا ثم نضع البقدونس والشبت والكزبرة
3- يرفع الخليط من علي النار ويترك ليبرد نوعا ما حتي لاينج البيض فيه بعد ما نحطه ثم نضيف اليه البيض والارز معا والبيكنج بودر
4- يقلب الخليط جيدا ثم يوضع في صنية مدهونة بالسمن او الزيت اي شئ موجود
ويصب فيها الخليط
5- يدخل الفرن حتي ينضج او ممكن تضعيه فوق علي النار فوق البوتاجاز حتي ينضج من تحت ثم تدخليه تحت الشواية علشان يستوي من فوق كمان
ويقدم ساخن مع البطاطس المحمرة والسلطات
وجربوا وقلولي النتيجة وماتخفوش من النتيجة
وبالهنا والشفا :26: