عجة البيض عالصاج ...تغيير عالعشاء لذيذ وسررريع

يسعد اوقاتكم ياحلوات...:39:

امس جيت اسوي العشاء وماكان عندي شي مميز بس نواشف بيض وجبن وتونه ...

جيت اقلب بدفتري لقيت عجة البيض بالكويكر وتتصلح في الفرن ...

قلت لا انا اخليها اسرع من الفرن...

المقادير ...

2 بصل كبير مقطع صغار ..انا فرمته في خلاط البصل
1 ملعقة كبيرة ومليانة بيكنج باودر
1 ملعقة كبيرة بهارات مشكله
1 م كبيرة مومليانه ملح
3 ملاعق شوفان (كويكر حق الشوربة)
8 بيضات
1 بيالة زيت

طبعا انا سويت نصف المقادير من كل مقدار من اللي فوق حطيت النصف وتكفي نصف الكميه ل 2_3 اشخاص

...
فرمت البصل في الخلاط ..حطيته في اناء عميق حطيت البيكنج باودر والملح والبهارات على البصل قلبت زين بالملعقه ...بعدين اضفت الكويكر والزيت قلبت زين ...اضفت البيض اخيرا وقلبت ...ولو حابه ممكن تضيفين فلفل قرون حار مفروم لو تحبيها حاره

خلاص كذا ...حطي الصاج حقك عالنار وخليه يسخن ...
سخن ؟؟
يالله بالملعقه حطي 2 ملعقه من الخليط عالصاج وبتصير على شكل اقراص كل قرص حطي ملعقتين وممكن تصغرينها حطي ملعقه وحده ..
طبعا سوي اكثر من قرص في نفس الوقت حسب حجم الصاج حقك انا سويت 3 اقراص من العجة في نفس الوقت ,,وخليها دبدوبه شوي لاتفردينها مره بالملعقة
وخلي جنبك مغرفة الحلى عشان تقلبين العجة ..بسرعه تتحمر على فكرة
تحمرت اقلبيها وحمريها من الجهتين خلصي الكميه وبالعافية خلصنا
للاسف ماصورت الا بعد مااكلنا.. ماصورت من الخطوات شي


هذا الصاج والمغرفه على الرف بغسلها الحين ..الله يرزقني بصاج جديد هذا لعبت في حسبته خخخخ:angry:

19122011005

وهنا كم صورة للعجه بعد مااكلنا منها ...

19122011002


19122011001

وهنا عليها شطة وليموون يممممم

19122011004


تؤكل مع الخبز والليمون والشطه لذذذذيذة والله وتغير خفيف وسريع عالعشاء
وممكن تحشينها في الخبز مع شرايح طماطم وخيار ومسحة مايونيز وشطه ..الذ ساندويتش

وزوجي الله يسعده يحسبها مطبق ...يقول من وين لك مفروم وامس تطلبين
فعلا طعمها يشبةالمطبق
:)