السلام عليكم ورحمه الله و بركاته
النهارده بصراحة كنت مشغولة قوي علشان نزلت السوق و اشريت حاجه الشهر من سمك و فراخ و كفتة بلدي و لحمه :08:
دعواتكم ربنا يسترها معايا الشهر ده خاصة و عندي مصاريف المدارس الخاصة لازم تتسدد الشهر ده :rotaeye:
المهم بقي صدعت و الله من التوضيب و الترتيب في الحاجات و قلت اعمل صينيه عجة عالغداء :smheart::smheart:
و كالعادة حبيت تشاركوني لقمتي الحلوة
يلا بسم الله اتفضلوا معايا
المقادير
3 بصلات
معلقتين دقيق
6 بيضات
جزمة بقدونس
ثوم مفروم و ملح و شطة و كمون
الطريقة يا قمرات بسيطة جدا
** شوحي البصل كويس و انزلي عليه بالثوم المفروم بالكمون و الشطة و الملح و الفلفل الاخضر
* حطي البقدونس و شوحيه لحد ما يذبل خالص
* اضربي البيض و الدقيق و طماطميه في الخلاط و ضيفيهم للبصل و البقدونس
و جررررررررري عالفرن بقي على طوووول
و ادي النتيجة صينيه عجة فاخرة اخر حاجه
بس سامحوني لا ذوقتها و لا حاجه لان الولاد كانوا جعانين بجد و الريحة جننتهم كمان
اتفضلوا الطريقة بالتفصيل في الفيديو ده من ايدي
http://www.youtube.com/watch?v=99XhKYM2nPI&feature=youtu.be
http://www.youtube.com/watch?v=99XhKYM2nPI&feature=youtu.be
دعواتكم بقي ربنا يهدي لي اولادي ويرزقني برزقهم
امين يارب العالمين
الله يهدي اولادك ويوسع رزقكم يارب