عججزت اعرف السبب

السلام عليكم
والله اكتب لكم والغصه بقلبي مادري شقولكم لكن بحاول اختصر
ومحد راح يحس فيني الا الي مجرب
صار لي شهرين ابغى احكي لكم واسألكم بس تردددت كثير قبل مااكتب من ردود البعض
لكن اليوم خلاص ماقدرت اتحمل ومااقدر افضفض مع احد باشياء خاصه مثل كذا
المهم انا والده من ثلاث شهور تقريباً وقبل ماارجع لزوجي بكم يوم جلسنا نتناقش ونتكلم هو يبيني اروح لاهله وانا رفضت لان بينا مشاكل وتهاوشنا وتزاعلنا وسالفه طويله
المهم هو يصر الا اني اروح وانا اصر على رفضي وجلسنا نتناقش كثثير ووو
المهم عاد بعدهااصر علي ورحت لهم
من اول يوم دخلت فيه بيتي مع زوجي دخلت وجلست انوم البيبي وهو حاول يحضني وصديته وجلس عندي ف الغرفه وقلتله روح مااعرف ارضع وانت قاعد تطالعني
وراح ينوم ولدي الكبير بغرفته وبعدها نومت البيبي ورحت عنده حصلته نايم ☹️ واروح اخذ شاور واكشخ واروح عنده الا والاخ نايم ويتعذر انه صاحي من بددري وكان عنده شغال مع العمال جايبهم نفضو البيت نفض ترتيب وتنظيق ومقضي اغراض ومغير اثاث غرفتي المهم هو صح كان تعبان والله بس زعلت منه اول ليله بعد الاربعين ويسوي كذا
المهم عدت الايام والاسابيع لين ماصرت الاحظ عليه واحس فيه انه مو مشتاق لي يعني ماقاعد يبوسني ويحضني ويتغزل مثل او لا ولا احس انه متلهف علي يعني ماكأني كنت مسافره وصار اي حول الشهرين بعيده عنه
ومايجيني الا اذا طلبت
وعدت الايام وانا مطنشه لما الفتره الاخيره هذي صايرين اخخوان بمعني الكلمه مافي حضن ومافي علاقه بس اطبخ له وانظف له وهو يقوم بمشاويري
كلمته كثثيير واجلس اتناقش معاه بهدوء وبرواق وحبيبي وليه كل مره يطلع بعذر مره مديون وحالتي حاله ومره عشان رفضك وكلامك لي قبل ماتجين انك مابتروحي لاهلي
وينتهي النقاش بعصبيته يسكتني ع طول ومايبي يتكلم
صرت اشوفه حتى مايطالعني ولايحط عينه بعيني وانا ساكته واحاول اتقرب منه واقول فتره ويرجع وهو مستمر بوضعه لين زههقت خلاص وكل مره اكلمه واتقرب منه وهو نفس الوضع
انا ممره مستغربه لان هو ماكان كذا كان جنسي درجه اولى ماكان همه الا كذا الان لا صار مايبي مره واذا جلست اياله عن وضعه يقول طيب تعالي انتي
المهم خلاااص وصلت معي وهو يزيد بوضعه مافي اي سوالف بينا الا جيب وابغى واطبخي وبروح ولا عن العيال
جلست ادعي وادعي دععععيت ربي انه يكشف الي فيه لاني كنت شاكه انه يخوني لان سلق وصار قبل ثلاث سنين وتاب واعتذر ودخلت اهلي وبعدها ماعاد شفت عليه شي
ومره جلست انكلم معاه بهدوء وبرواق واحسيه بتأنيب الضمير وان مااستلهل تسوي فيني كذا واني قاعده احاول ارضيك ونعيش مبسوطين بس انت ماتبغى ولاتعطيني فرصه
وجلس يحلف لي انا مافي احد بحياته ولاهو متزوج ولاشي
واخر شي قام قالي يافلانه انا انحطيت بموقف بس الله يسامح الي حطني فيه انا تعبت وماعاد اتحمل ف قلبي مثل الجبال انا صار لي شهرين ووضعي غير
وع طول قال اقولك وتمسكين الامانه ماتتكلمين المهم انه قالي ان اخته مريضه بالسرطان وهيا ماتدري ولا احد يددري بس زوجها علمه ولايبغونها تدري ولا اي احد
يقولي صارت تنزل دموعي كل مااشوفها صرت اتحاشى اشوفها تعبت تعبت
هاه خلاص هذا انا قلتلك ابغاك تقدرين وتحسين
حسيته ارتاح مره لما انكلم وقام اليوم الثاني مره تمام معاي
بس بعدها رجع لعادته الحين كملنا ع الثلاث شهور ومافي بينا اي حب بس كنتا اخوان
زهقت وصوت انام بغرفه ثانيه وصار يهاوشني ويقوم النوم ف غرفة النوم وبس ياريلك لو رجعت وماحصلتك ف الغرفه وصار يقومني ويطلب اروح انام ف الغرفه وانا ارفض ويعصب علي لما انام ف الغرفه
ولو رحت انام معه يكون وضعه عادي يمسكني وينام بس مافي علاقه ابدا ابدا
صرت اقوله مابنام معك خلاص شالفايده اجلس اقهر نفسي وانغبن وانت مانت حولي لاني والله ماتحمل انام معك وانت تعاملني كذا بععيد عني مره
قلتله خلاص بحط لي سرير وبنام بالغرفه الثانيه وقام وحلف واقسم ان لوزدتي قلتي الكلام هذا لتصير عندي غرفه ثانيه مع غيرك 😿
ياربي مدري ف ايش يفكر ووش سبب نفوره
قبل كم يوم كنت تعبانه ورحت الغرفه بنام وقلت له لاتسدح بجنبي وعصب وزعل وقال طيب والله لاجيي ثانيه وثالثه ورابعه ينسدحون معي
رديت بضحكهه هههه انت بوحده مو قايم بحقوقها