متفائله90 @mtfaylh90

عضوة نشيطة

عجزت أفهمه يارب ساعدني.............

السلام عليكم
بنات بدخل فالموضوع
لي مملكه 8شهور ماشاءالله
فهالفتره مازارني غير 3مرات وماتتعدى الساعتين
وآخرمره زارني قبل 3شهووور
بنات حاسه بقهر ليش يسوي كذا؟؟ واحنا فنفس المدينه دايم عذره مشغول ومدري ئيش
رغم انه يحصل وقت يروح لأصحابه او يتابع برامج على التلفزيون ويوم مره زعلت عليه وقلتله ليش ماتجي ومدري ئيش وطولت المشكله
قالي انتي تبي تمشيني على كيفك انا مافيه حرمه تمشيني على كيفها!!
سبحان الله الحين لأني مشتاقه أشوفه سار ابي امشيه على كيفي؟؟
بنات حسو فيه كل اللي حولي ماشاءالله الله يهنيهم زيارات مايطولون عن بعض اكثر من شهر
هو يكلمني يوميا ويتطمن عليه بس خلاص مليت من المكالمات ابي اتعود عليه
تجيني افكار احيانا انه مايحبني ويبي يطفشني رغم اني اصغر منه بكثير وحلوه وياما ناس تقدمولي لاكن سبحان الله النصيب
ماعاد بناقشه فهاذا الموضوع لأن كثير قالولي غلطانه انتي بينتي انك ميته عليه وهو شاف نفسه وقام يتغلى
ليه كذا تفكير الرجال ليه ماينبسط ان زوجته تحبه وتهتم فيه ولوني مطنشته وساحبه عليه كان ركض وراي
على اي قانون هم عايشين؟؟؟

هذرت واجد اعتبروها فضفضه وادعولي تكفون ان الله يسخره لي
له مواصفات كثيره تعجبني انه محافض على صلاته ومايدخن و يحترم اهلي ويقدرهم
بس برضو انا بنت زي اي بنت ودي اعيش فترت الخطوبه والله لو مافيه زيارات ومكالمات وتكون ممنوعه كان اهون عليه

على العموم ابيكم تنصحوني لأني قربت انهارصدق والله
قربت اكره شي اسمه زواج
ولاتنسوني من دعائكم الصالح
شكرا لكم

يلزم عليك تسجيل الدخول أولًا لكتابة تعليق.

تسجيل دخول

براد الربيع • 14 سنة

الله يعينك ويحنن قلبه عليك

ام مشاري برناوي • 14 سنة

الله يسخره لك و يموت عليك يارب
هم كذا الرجال لا بينتيلهم حبك و اهتمامك تغلو و ما سالوا
ولو تركتيهم و ثقلتي يركضون وراك او يطنشون
الله يعينك يا قلبي

راجيـة الجنـه • 14 سنة

الدعاء الدعاء الدعاء
وربي ان الدعاء أحسن طريقه بس كثير مننا غافلين عنه
قومي آخر الليل و صلي ركعتين و ادعي ان ربي يسخره لك و بإذن الله بيتغير
و الله يسخر لك زوجك و يسخر لي زوجي و يسخر لكل وحده زوجها يارب :)

شمع دانه • 14 سنة

الله يسخرة لكي ولكن انتي لازم تكونين متوازنه في مشاعرك,,,,,

متفائله90 • 14 سنة

جزاكم الله خير
وشكرا لمروركم العذب