عجزت أنــــام وفي داخلي (( زحمة حكي )) ×× فضفضه ××

عجزت انــــــــــــــــام .. والدمعه على خدي ...
قلبي في داخله حكي كثير ... واحس اني لو حبسته زياده بمرض ...
اسمعوا لي تكفون ... وخاصة (( المتزوجات )) ...
الله عطاني خوات ... يستاهل الحمد والمنه ... قلوبنا على بعض ونحب الخير لبعض
ومهما صار مشاكل ( الظفر عمره مايطلع من اللحم ) ...
علاقتنا كانت مره حلوه .. الا ان جاء ذاك اليوم ....
تقدم لخطبتي شخص وخواتي كلهم رفضوه وامي لعدة اسباب ...
انا ماني في موضوع الخطبة .. كثر ماني بموضوع (( النفسية ))
كنت وقتها عمري 29 سنه ...خواتي كلهن متزوجات .. وانا كنت احس بوحده وتعب نفسي .. انتم عارفين الوحده بهالسن شالهواجس اللي تطري عليها
والخوف اللي تحس به والنقص واشياء كثيره سلبية يحسن فيها البنات بهالعمر ...
نفسيتي يابنات (( دمااااااار )) تغيرت .. مااتحمل ولاكلمه .. استفز من اي كلمه ..
اي كلمه اسمعها تتعلق بموضوع الزواج تبكيني وتقهرني .. غصب والله غصب
اي وحده الحين بهالعمر وتقرا كلامي بتعرف معناه .. دخلت بمشاكل مع اهلي
وكل مايتقدم لي واحد ويرفضونه تكثر المشاكل ..
كنت اتمنى وحده من خواتي تدخل علي الغرفه وتآخذ اللي بخاطري كله
بعضهن كانن يردن علي بكلام يجرح ويقهر .. صرت اشوف خواتي بشكل
ثاني .. تمنيت احد يفهمني وقتها .. كان عندي كلام كثير ابي اقوله بس ماقدرت
كان ودي افضفض واحد يفهمني .. اعتزلت اهلي .. صرت مااشوفهم الا وقت الاكل
كله عشـــان مايصير مشاكل اكثر ...
يابنات يامتزوجات (( راعوا نفسية خواتكم لاتنشغلون بالبيت والعيال وتنسونهم ))
قسم بالله احس اني عتبانه عليهن للحين .. لاني نفسيا تبدلت عقب ذيك المشاكل
صرت وحده ثانيه .. كئيبه وحزينه وحساسه وكتومه وشايله بقلبي حزن عميق ..
حتى الحين .. عقب مالله فتح علي وانخطبت وتملكت ..
احس اني ماني قادره افرح والله .. وفيه فجوه بيني وبين خواتي ... حاجز انبنى
ايام المشاكل ولاانهدّ للحين .. كان نفسي افضفض واطلع اللي بقلبي كله بس
محد يسمعني بهدوء ويتفهم النفسيه ... لاتشرهون على خواتكم البنات
لاني تعودت عليهن حولي وفجأه تزوجن وبقيت لحالي ..
الحين تصدقون لو اطلب وحده تروح معي السوق عشان الجهاز وتعتذر
على طول يطري في بالي انهم مايهتمون لأمري ..
والسبب ... ذيك المشاكل الله لايعيدها ...
عجزت افرح يابنـــــــــــات ...
ودي استانس .. والله نفسيتي عدم
ومخاوفي كثير وشايله هم ..
وللحين ابي احد يسمعني ويهديني
نحفت من التفكير والتعب ..

يارب تمم لي خير وبخير ويسر امر زواجي واصلح شآني مع اهلي


** للمتزوجات .. انتبهوا لخواتكم .. وراعوا نفسياتهم ..تكفووووون .. ترى للحين اعاني رغم اني على وجه زواج ..
** وللبنات .. (( سهام الليل لاتخطيء )) .. ولاتشكين الا لربك ينصرك ويآخذ بيدك .. لانه ماعاد فيه صديقات ابد ...


سامحوني على هالفضفضه اللي تضيّق الصدر ..
بس وربي عجزت انـــــــــــام والنفسيه تعبانه ..


:icon33:

توضيح لبعض الاخوات لاني حسيتهم مافهموا ..
انا حاليا علاقتي بخواتي كويسه ولله الحمد .. بس لاصار ( سوء تفاهم ) لو على شي بسيط
احس يرجع بينا شي يبعدنا عن بعض .. ماصرنا نفهم بعض .. صرنا نحكي في بعض من
ورى بعض .. انا ماعندي شك ابدا انو خواتي بيفرحون لي ,, الا اكيد هم فرحانين لي
الحين وتهمهم سعادتي .. لكن انا احس اني مكتومه ومتبدله من عقب ذيك المشكلة
وهم ماهم فاهميني للحين .. واخرتها اختي تقول .. ماكنتي كذا
كنتي وسيعة صدر وتضحكين وتسولفين معنا دايم ..
حاولت افهّم .. بس مستحيل احد يفهم شعور
احد اذا ماجربه وعاش فيه
الله ييسر الامر ومشكورين يابنات
على التفاعل ..
جزاكم الله خير