عجزت اتحمل هجر زوجي مدري شسوي

مساء الخير
انا زي ماذكرت قبل أن زوجي حارمني من حقي الشرعي وانا مو صغيره انا في الثلاثينات وعندي بنت عمرها سنه زوجي جيته بتودد والين وكل مره يقول ما اشتهي ومشغول ومدري ايش انا مو حنانه لا والله بس من حقي اطلب حقي الشرعي مو كذا مره في الشهر ويسويها كنه مغصوب وماله نفس انا والله اهتم بنفسي ونظيفه بس هو مدري شفيه علي احس انه كل يوم يزيد اكثر تخيلو في الاونه الاخيره يدخل الغرفه اذا جاء من الدوام ويهزئني اذا دخلت يقول ابي هدوء وما يطلع منها الا بعد العشاء ويطلع ما يرجع الا على وحده واضطر اني استناه واتزين ونوم بنتي ويدخل للغرفه الثانيه ويجلس على الجوال أو الاب وما يبيني يبي يجلس مع نفسه وانه مشغول وقبل الفجر ينام او انه يكون عنده خارج دوام إلى المغرب ويطلع من العمل يروح مع اخوياه ويرجع على وحده وهكذا نفس الروتين اما في الويك اند يصحى ٩ ويروح للغرفه الثانيه وما يبي احد واقوم ازين فطور واذا جبته له قام للغرفة النوم يقول ما يبي انا صبرت عليه مو معقوله يهجرني ولا يبي حتى يجلس معي كني عدوه له انا فكرت اني اكلم اهلي يشوفون لي حل معاه بس امي حرمه كبيره ومعها سكر وضغط ما ابي تزيدها وابوي متوفي واخوي استحي اقوله ففكرت اترك له البيت ومحتاره مدري شسوي