مشكلتي بكل اختصار اخواتي
بالاصح تصرفاتهم تحديدا
ترى ماراح تقرون مشكله كبيره لكن تصرفات بسيييطه بس خلت العلاقه بيننا سيئه ومتوترررره
اعجز عن التعبير بوضوح لكن بذكر نقاط يمكن من خلالها تفهمون
لو صارت هوشه انسووا انهم يكبرن روسهم بالعكس يستلذوون بالمعاند والانتقام وفرض العضلات عندهم متعه عجيبه للتوتر في العلاقات لكن خارج نطاق العايله جدا مسالمات
يعني مثال من تصرفاتهم هو انو عندهم مبدأ بتعاملهم معي وهو وحده بوحده
اكبر مشكله اواجهها اني لو قابلتهم لازم اتعامل معهم بأدب زاااااايد عن اللزوم ولا يكشرون بوجهي وينفخون ,يعني لازم اتعامل معهم كأني اتعامل مع اغراب ابتسامه طووول الوقت ولا يعتبرون اني قاعده اتكبر و انافخ عليهم! صرت ارتاح باتعامل مع الاغراب واتعامل بطبيعتي اما مع اخواتي اتعامل بتذلل شديد ولا ياويلي قل احترام وافتعال مشاكل ..
لو قللت كلام كل وحده ترفع حواجبها وتكشر بوجهي يعتبرون قله كلامي تكبر عليهم فأضطر لما اقابلهم اثرثر لدرجه يحسون انه خووف منهم وثرثرتي معهم تخليني اقول كلام خبل لاني اتكلم لمجرد الكلام وليس رغبه من الداخل عكس مع الاغراب اتكلم متى ماحسيت بالرغبه فيطلع كلامي موزون
تخيلو اخوي انشأ قروب لنا اخواني واخواتي كل وحده من البنات حريصه تهجرر القروب لارسايل لاكاستات لا سلام ولاكلام بنظرهم الطناش هو اللي يخليهم شخصيه وهيبه !!
حتى السؤال لو سألت شلونكم يا اهل القروب وش اخباركم محد يرد يقالك شخصيه يخلوك بوضع محرج يعني بنص الجبهه تحسين ينقالك مع نفسسك محد يرد عليكي وانا كل مره اقول مومشكله بصير احسن منهم اسلم وادري مابينرد علي وارسل كاستات واخر العنقود هي ارحم وحده فيهم تجامل شوي احيانا ترد اما 3 منهن ما اقول الاحسبي الله ونعم الوكيل مايحترمون على الاقل عمري اني اكبر منهم
انا ساكنه قريب من بيت اهلي لو زرتهم زاروني ولو غبت عنهم اسبوع غابو اسبوع ,ولو غبت اسبوعين يغيبون ثلاثه وحده بوحده
ومثال ثاني انا متزوجه وعندي اطفال وحده فيهم اصغر مني بكثثير (لكنهاا كبيره تدرس بالكليـــه ) ارسلتتلي عالخاص وانا كان بيدي اشغال اوكيه؟ اتأخر بالرد عليها بمعنى اقرا رسالتها واطلع بدون رد وبمجرد اخلص اشغالي ارد عليها ..ولو كنت فاضيه ارد حزتها ,صارت تعاملني وحده بوحده عاقبتني بعدم الرد نهائي عقوبه لي لاني تأخرت بالرد فقققط ماطنشتها ولاسحبت عليها
بتقولون شلون تأكدتي انها تعاقبك يمكن عندها ظروف انا بقولكم بدايه زواجي ماكنت اتأخر وهي كانت ماتطنش وبمجرد ما زادت علي الاشغال صرت فقط اتأخر صارت طناش بالاضافه ان ظروف بيت اهلي فوق الممتازه انا قبل لااتزوج كانت كل وحده فينا ماتحرك فنجان من الارض 2 خدامات بييت اهلي والطبخ على والدتي ولاوحده تمسك شي واحد بشغل البيت وش الظروف اللي تخليها ماترد؟ انتقاااام بس لاني صرت احيانا اتأخر فلابد ترد لي نفس التصرف ولا تموت! مو المسأله واتس وهالخبال المسأله انو ياالله كل شي يختلقون منه مشكله وسوء ظن ووحده بوحده
انا الكبيره واتنازل كثييييييير كاخت كبيره
كل اللي ذكرته مشكلتي فيه شي واااحد انو كل ماجاملتهم حسبوني خفت من ردات افعالهم واستجبت لعنفهم وخفت منهم
يعني اذا مشيت بطبعي وبراحتي افتعلوا حركات قمه بقله الاحترام ويقللون من هيبتك وبالهم طووووويل للمناكد والمشاكل ما يتعبون من التخطيط والرد على الاساءه اوول بأوول مررره مايقصرون واذا كفيت الشر عشان انام وضميري مرتاح واتوددت لهم وتنازلت وسويت اللي يبونه استضعفوني وعدوها ضعف مني وسمعتهم بأذوني يقولون هي عارفه وش بيصير لها لو ماتعاملت معنا بطريقتنا !
طيب وش الحل ؟ بكل الاحوال مشكله
هيبه ورزه @hybh_orzh
عضوة نشيطة
هذا الموضوع مغلق.
خليك أول من تشارك برأيها 💁🏻♀️