عجزت افسر تصرفاته

السلام عليكم
بدخل بالموضوع
اهلي مسافرين عشر ايام برى
زوجي يطلب مني مرافقتهم ويصر مع انه مابي اروح
اقوله انا مابي اضيق عليهم في بزاريني عيب
ومصر اروح ماهجد الحد قلتله ان اهلي رافضين يقولون وزوجك ماتتركيه الحاله وهم فعلا للاسف رافضين ذهابي معهم بسبب شطانت بزراني ربي يصلحهم
قاهرني في اصراره وعادي يجلس وحده مع انه وجودي مثل عدمه طول يومه برى البيت فقط فترت نومه عندي
واللي يقهر اكثر بيسافر بنفس الفتره اللي اهلي بيسافرون فيها بيروح XXX عشان طالب سياره من برى وبتاصل XX وهو بيروح يستلمها على حسب كلامه ويمكن يكذب علي لانه سبق قالي انا رايح XX يومين وطلع رايح XX وسبق برضو قالي بروح XX دورة عمل وكشفته طالع XX سمعته يتفق هو وصديقه يكلمه تيلفون وين يحجزو اي فندق يوم واجهته اعترف يعني بختصار زوجي له سوابق بالكذب
انا احساسي سالفة السياره خررررررطي وتأليفه والحكايه كلها بيروح له يوميا بعد ماكسبله قرشين من مكافئة الشغل
ودليل انها تأليفه قلتله اذا جبت السياره بشوفها قال اصلا انا شاريها عشان ابيعها يطلعلي مكسب حلو اذا بعتها وعلى طول من XX XX مايمديك تشوفينها
يابنات انا احاول اصدق سالفة السياره بس عجزت هذي تقريبا 4 سفره XX من بداية السنه
بشهر واحد جلس اسبوع
وبشهر 3 جلس 4 ايام
وبشهر 4 جلس له اربع ايام
وقبل ثلاث اسابيع راح جلس تقريبا 5 ايام
وبيروح بعد فتره
والله ماهي حاله وربي
واذا زعلت وتنرفزت قال طقي راسك بالجدار انا ماسويت شي غلط
واذا قلت خذني معك قال مصاريف وانا مامعي وانا كلها كم يوم وارجع واذا كلمته بالهداوه وقلت لاتروح عصب ونرفز وسمعني اسطوانة انا امي وابوي ماوقفو بوجهي بالسفرات ومخليني تبين انتي تمنعيني
واذا شفت اخوان زوجي المتزوجين وغير المتزوجين والله ماهم مثله بالسفر والمتزوجين مايسافرون الوحدهم ابد ابد
انا ماعندي مشكله مره بالسنه يروح له اسبوع مع اخوياه مسموح وشي غصبن علي
بس مايمر شهرين الا يسافر ماهي حاله اتصبر واتجاهل واصغر الموضوع بس بالنهايه ملييييييت والله طقت كبدي
والله تعب نفسي تشوفين زوجك قدام عيونك مسافر ماتدرين وش وراه
انا ماكتبت الموضوع الا بعد مازاد الموضوع عن حده
ابي حل مع هاالادمي تكفون يابنات ابي حل بدون مادخل اهلي بالموضوع لانهم ماراح يفيدوني بشي بس بزعجهم على الفاضي وش الحل مع نوعية زوجي وهل فيه امل يتغيير