عجزت افسر لي حصل ومرعوبة

اول امس كنت تعبانة لاني صاحية من ٥ الصبح
ورحت الساعة ٨ طفيت انوار غرفة النوم ونمت وابني كان نايم بنفس الغرفة
المهم وانا اتقلب كنت اسمع صوت خطوات بالبيت واضح فيه احد يمشي او يتحرك قسم بالله واضحة وخفت اقوم وزوجي كان بعيد
سلمت امري لله ونمت وصحاني زوجي الساعة ١ بالليل وكان حامل الولد ل غرفته ورجع يقولي ليه باب البيت مفتوح حصلت الباب مفتوح شوي كأنه مسكر بس يوم جيت بفتح بالمفتاح لقيته مفتوح
قسم صابتني ام الركب يوم قالي الباب مفتوح تذكرت صوت الخطوات لي كانت بالبيت
وقمت على طول معاه اتفقد بالبيت وهو مستغرب وبعدها قلت له اني سمعت صوت خطوات وقعد يقولي بس يامريضة لاتخوفيني تراني اخاف اكثر منك ومارضى يصدق ويقولي انا شكلي نسيت الباب مفتوح
والله يابنات كنت سامعة في صوت حركة بالبيت وبيتي صغير ولا انا طلعت ولا ولدي طلع