عجزت افهم العيب مني ولا من الناس !!

وش الحل دائماً يأثر علي كلام الناس وأي احد يتكلم علي ماعرف أرد بوقتها وأحس بقهر وأتعب نفسياً من كثر التفكير وخاصه اذا كلام يخص حياتك ويمكن اتهور أرد رد قوي وتصير مشاكل وأخسر اللي حولي !! مثلاً كنا نسولف عن السناب واقول اني ماحب أصور كل شيء يخص حياتي يعني انزل شيء بالمعقول فسألتها عن وحده مضافه عندي ومضافه عندها بعد قلت شفتي سنابات فلانه ( طبعاً اللي نتكلم عنها سلفتي سابقاً وتطلقت وتزوجت من كم سنه ) دائماً مسويه حفلات قالت ماشفتها اكيد مخصصتك تبي توريك انها سعيدة وانتي منتي سعيدة قلت وش دخل سالفه سعيدة وماسعيدة قالت لانها تطلقت وتزوجت وانتي يقولون لازلتي ساكنة عند أهل زوجك وأم زوجك تتحكم فيك ويوم اسألها من قال هالكلام تقول الناس ومن زمان وماتنزلين طلعاتك وكل شيء مثلها قلت انزل بحدود مو كل شيء لازم اوري الناس كل تفاصيل حياتي لازم اتطلق علشان ارضي الناس كل ذا لاني ساكنه بنفس بيت أهله .. علماً ان هالحرمه كنت احترمها وأقدرها لكن الحين أفكر اقطع علاقتي فيها مدري حسيت حتى متغير اسلوبها ماكانت كذا
ان اعتزلنا الناس حسينا بوحده وملل وان اجتمعنا بالناس محد يسلم من بعض العينات يكرهونا الجمعات والسوالف وبالأخير ارجع البيت مزاجي متعكر مادري هل انا حساسه زياده عن اللزوم وأعطي الأمور اكبر من حجمها وهي ماتستاهل !!