عجزت افهم امي

مدري من وين ابدا بس انا مشكلتي مع امي من 4سنين تقريبا ونا موقادره افهمها (انا بنت عمري 17واكبر وحده في خواتي البنات )الزبده اني يصعب علي افهم امي وطريقة تفكيرها بالذات طبعا الي خلاني اسجل دخولي واجلس اكتب لكم هو اني طفشت من ذا الوضع واحس خلاص ابي اطلع من البيت باي شكل ولأنه صارت مشكله اليوم وهي ياطويلين العمر اني رحت عند بنت عمي وكانت صابغه شعرها ونا عجبتي الصبغه فقمت اخذت مفتح وفتحت شعري وخبصت لكن ماستخدمت صبغه وسويتها بلبيت وطلع لون شعري بني كنه توفي مدري شلون الزبده اني سويتها مع نفسي وماقلت لامي المهم اليوم شافتها قامت تعصب واصرت انها صبغه وتقول لو جا احد يخطبك بقوله بنتي عاقه وطبعا انواع السب والشتايم غير كذا لما دقت علا ابوي قامو يسوون تحريات ساعه يقولون كلمت احد يجيبها وساعه يقولون ممكن كلمت عيال عمي وساعه امي تقول ممكن زوجة ابوي صابغه لي الزبده ماخلو احد ماشكو فيه ومكبرين الموضوع كني مدري شمسويه المهم طبعا ممكن تقولون انه الموضوع مايستدعي اني اكره حياتي واتمنى اطلع من البيت باي شكل ومعاكم حق شكهم فيني مو السبب الرئيسي السبب الرئيسي هو قذف امي لي علا اتفه مشكله تصير لدرجة انه صرت اخاف اغلط عندها انتو متخيلين انه مره حسيت نفسي مرهقه ونسيت انظف المطبخ قامت تقول لاخواني صحو طبعا هذي المسبات لازم كل ماتعصب علي تقولها (اول كانت تقولي س الحين بطلتها )الزبده اني جلست اسمع هلشتايم الي تسم البدن لين قلت امين وكلها علا اشياء تافهه مثل اني مانظفت المطبخ او حفيت حواجبي او صبغت بدون علمها او نمت عند ابوي مع اني استأذن منها بس لما ارجع تعصب علي كني رحت عند غريب الزبده انا خلاص معاد اعرف شلون اتعامل معاها وتعبت منها ومن كرهها لي وتعاملها معاي والشتايم والقذف الي يجيني بس مايجي لاخواني مع انهم ادمر مني. افكر اقول لابوي بس بتصير مشكله طويله عريضه وهي بتستفرد فيني وبتلعن خيري وبكره الساعه الي قلتله فيها او مابيصدق... انا كرهت حياتي لدرجة كان ودي اروح الرياض عند عمتي. لكن ابوي قال لا ماعندنا بنات يسافرون الا مع امهم او ابوهم وجلطني ذيك الساعه حسيته ماراح يخليني بحالي وصار كل تفكيري الأول والأخير بالزواج بس طبعا لما اتذكر انه امي دعت لي بزوج شايب خمار وسكار علا قولتها ويضربني ليل نهار كرهت نفسي وصرت معرف شسوي ادري طولت عليكم وللعلم كلذي الجريده الي كتبتها تعتبر ولاشي بس صدق احتاج احد يرشدني :(