عجزت اكون حياه اجتماعيه!!

السلام عليكم 
كيفكم بنات
انا عندي مشكله مازمتني انا بالسعوديه صارلي تقريبا سبع سنوات اتعرفت على ناس من جنسيتي حاولت اكون علاقات عزمتهم لعندي وانعزمت لعندهم بس كل كم شهر مره مشكلتي اهل زوجي مايزورو احد حماتي ماتحب تختلط باحد نهائيا ماتحب الاطفال ولاتحب العزايم تشوفها تكاليف وخساره بس انا ابغى اشوف ناس المهم حاولت وكل مااتتعرفت على احد وحاولت اتواصل معاه يطنشوني ويتواصلو مع اهل زوجي ليش انه ابوزوجي له وضعه الاجتماعي فالةل يحاول يتقرب لحماتي واخت زوجي وانا ولامعبريني طيب عزمت اتصلت سالت ولا في فايده جيراني يتجمعو يطلعو حاولت اختلط فيهم بس اشوفهم من الشباك ومن عين الباب يتجمعو ومايخبروني ماادري ايش الغلط اللي اسويه !!!ناس بينهم نسب مع اهل امي كنت اتواصل معاهم بعدها بفتره صارت عندهم مناسبه وعزموني وحسيت في كلام بفمهم مافهمته وانا اتجهزت واشتريت فستان فرحانه واتفقع مع زوجي حاحط ولدي عندي الاقبل الحفله بكم ساعه ارسلو لي عالوتس لاتجيبي ولدك ناشفت الرساله الا وانا بعبايتي انقهرت مره وقلت لهم اصلا انا حاطته عند ابوه وندمانه قد شعر راسي اني رحت لاني شفت اطفال بالحفله واصلا ماكنت اخذه ولدي ليش يرسلو كذا مع انهم لما يجوني يجيبو كل اطفالهم معاهم بعد هذا الموقف تقريبا قاطعتهم بس رسايل وتس رسميه 
وحده تانيه اتعرفت عليها ارتحت لها اتواصل معاها الا فجاه تقطعني ماترسل طنشت الا اكتشف تلاحق اخت زوجي وامها تلاحق ام زوجي يبغو اخو زوجي لبنتهم حسيت انه حماتي ممكن وعدتهم لانهم مرررره يراكضو وراهم اللي قاهرني ليه محد معبرني احس بوحده شديده عجزت اتعرف على احد زوجي عرفني بزوجه صديقه وماشاءالله عليها حبيبه بس مشغوله مع اولادها والمدارس انا كمان انشغل باولادي بس نفسي حتى بالكم شهر مره اتجمع مع حريم اشرف الناس نفسي احضر زفاف ماانعزم اخت زوجي تدرس هنا فتنعزم كثير انا مااعرف احد صعبه طول الوقت مع زوجي واهله وزوجي ظروف شغله صعبه يعني اغلب وقته معصب وام زوجي ماتحبني تغير على ولدها فكل كلامها معي رمي كلام اتعبتني والله اتمنى ارجع بلادي عشان هناك لي وضعي معاريف اهلي وصديقاتي وجيراني 
اسفه طولت عليكم بس حبيت اعرف اذا عندكم هنا ظريقه لتكوين العلاقات لاني لاحظت ام زوجي واخته لما هما ماهم سالين عن حد كلهم يلاحقوهم وانا اللي اسال محد درى عني :(