الله يبرد ع قلبك..
والله احنا البنات المفترض مانخلي لاحد مجال يقترب مننا او يعترف لنا بحبه الا وقت الجد وقت الشوفه والملكه وبعدها نعيش احلى قصه حب
بعض الشباب سهل عندهم يعشمون ومايكونون قد كلامهم للأسف مثل الي حصل معك، وممكن انتي كنتي ضامنه وجوده اكثر لانه يحبك ولانك انتي وفيه وصعب تتركين الي تحبينه توقعتي يكون مثلك ولاكن للأسف.. وقبل كل شيء نصيب يااختي


نصيبك مع غيره وبتأخذينه بالوقت الي انكتب لك فيه، والي انتي فيه الحين ابتلاء وانصحك من كل قلبي خليك قريبه من الله وعلقي قلبك فيه وبصلاة ركعتين وتفضفضينن له بالي بداخلك وتشكين له كل ماتحسين فيه والله ان ربي ارحم بك من امك الي ولدتك أقبلي عليه حبيبتي ❤️


ولاتنسين تفكين التعلق ضرروي تفكينه عشان تقدرين تعيشين حياتك طبيعي مستقبلا مع الزوج المستقبلي ان شاء الله ولا يكون له تأثير على نفسيتك، انصحك بشده تفكين التعلق باسرع وقت


دايما دايما ادعي يصرف الله حبه عن قلبك سبحان الله الدعاء سحررر


احكيلك قصتي مع الدعاء كنت متعلقه بصديقتي واحبها من قلب كان بيينا عشره عمر اكثر من ١٦ سنه، يوم عن يوم تقوى علاقتنا ببعض وحصل انه افترقنا وتعبت جدا كانت تشاركني كل شيء بحياتي وفجاءه ماعد صرت ألقاها يومي فارغ وجدا تعبت نفسيتي وكرهت الدنيا وكنت بس اراقبها وقلبي معها عجزت انساها وكنت دايما اصلي ركعتين وادعي يخرج حبها من قلبي وابكي واشكي حاله له سبحانه، وواصلت ع كذا سنه ونص وفجأه صارت معد تعني لي شيء بل والله صرت اضحك ع نفسي لما كنت انطوي بغرفتي وتتعب نفسيتي عشانها وهي عايشه حياتها ... حتى ان رببي عوضني بالأفضل الحمدلله 💜
الدعاء سحر حلالالال، وحيجي اليوم تنسينه فيه للأبد وتبدأين حياه حلوه وجميله مع من بيكون شريك لحياتك الي ممكن يكون أفضل بكثير من ولد خالتك... وربي مايختار لنا دايما الا الأفضل

اقولك قصه ثانيه علها تدخل الأمل لقلبك وتريحك..
اذكر مره قريت قصه لوحده كانت تحب ولد خالتها جدا تحبه وتقدم لها ولاكن ابوها رفض لسبب معين مايحضرني الان، لاكن كان فيه سبب مخلي ابوها يرفضه...
وهي كانت تقول دارت الدنيا فيني وتخبط تخبط وانهيار نفسي وكيف ان الي احبه ويحبني يرفضه أبوي 💔
وسبحان الله ربي وفقها لصلاة ركعتين كل ماحست ب الانهيار والتخبط وصارت تدعي ان يخلصها من الي هي فيه ويرزقها بولد الحلال الي يسعدها كانت تدعي بحرقه والم
ماذكر التفاصيل بالضبط الا انه بالنهايه تقل بعد فتره وقبل مايتزوج ولد خالتي، جاء رجل وخطبني وتمت الملكه وتعرفت عليه أكثر وطلع رجل كل صفه فيه اجمل من الثانيه وأفضل بكثير من ولد خالتي يووه بعد مافي مقارنه اصلاً بينهم وينه ووين ولد خالتي الحمدلله،، وتزوجت قبل ولد خالتي
الجميل بالقصه لما تزوجت اكتشفت ان ولد خالها هو الي دل زوجها على بيت ابوها!
من زود حب ولد خالتها لها ارسل لها رجل أفضل منه عشان تعيش السعاده معاه


الشاهد ان ربي عوضها وماخيبها لما ألتجئت له وعرفت مع الايام ان عوض الله جميل وخيره الله دائما أجمل من أمانينا .. ❤
والله ماينساك ربك خليك قريبة دائما منه وادعيه واشكي له حالك وبيعيطك ويرضيك ثقي بالله 🌱

لايضيق صدرك واضح فيه نذاله او اهله مايبغونك اصحي لعمرك
ماخلق لك لن يفوتك ومافاتك لم يخلق لك
بيجيك عريس وبتحبيه ويحبك ويعوضك عن كل كسر
بس عليك بسوره البقره اقرئيها يوميا بجلسه واحده

مفروض المعفن مايمشي ويقول احبها وتحبني طالما قال هالكلام من فمه يمسكه اخوك او ابوك او امك وتقول تعال اخطبها كل من يسال يقول فلان ليه ماتقدم لها تطشك بحلقه غصب

رفع