عجزت انسى الغدر والظلم ،، حسبي الله ونعم الوكيل

السلام عليكم
باختصر قدر الامكان
انا يابنات حالياً بفترة الانفصال بعد زواج استمر سبع سنوات واطفال اشوف فيهم كل حياتي وكنت اتمنالهم احسن عيشه ووضع مستقر بس اللهم لا اعتراض على قضائك والحمدلله على كل حال
انا اللي عمري ماتخيلت اوصل لهذي المرحله
لانه ناااادر جدا عندنا مو لاننا مجتمع كامل ومثالي لا لان الاغلبيه متاكد ان المشاكل في كل بيت وبين كل اثنين ويضحون علشان عيالهم
واتمنى ماتفهموني غلط ياللي انا حاليا اعاني معاناتكم
والحمدلله على كل حال ،،
زوجي كان فيه الشين وفيه الزين وانا ايضا مااقول اني كامله فيني عيوب كثيره
لكن رغم جرحي وصدمتي فيه "خانني كم مره بالجوال مثل اغلب الرجال واخرها اكتشفت انه بيتزوج من وراي بس عرفت وفركش الموضوع"
كنت حتى بعد غدره فيني مستعده اصلح عيوبي لكنه ماعطاني فرصه وعلقني ست شهور عند اهلي بفترة كرونا وتوقف الدوامات لانه خلاص ناوي يطلق وخلالها كنت احاول الصلح واذكره بايامنا الحلوه وهو رافض بالمرررره حتى يرد على اتصالي او رسايلي واخرها حظرني وحاولت ادخل ناس من طرفي ومن طرفه وبرضه رافض يكلم احد !!
قلب وحش مايبي يتفاهم ابد ونسى تضحياتي ومواقفي الحلوه مع انه كان يحلف بحبي وانه مستحيل يعيش بدوني معقوله هذا كله كان كذب؟؟
يابنات لاتقولون بكرا بتنسينه ووو لاني ان شاءالله ماني ميته بدونه ووضعي الحمدلله الان ماهو سيء عند اهلي الله يديم علينا المحبه
بس عجزت استوعب ليش سوا كذا؟؟
ليش نسى كل شي حلو يشفع لي؟؟
ايش اللي بدل حاله بيوم وليله؟؟
شكيت انه يبي يتزوج
بس يحلف ويقسم انه ماعنده شي وكان مستعد يربي عيالي لانه مايبي يتزوج وانه بس يبي يرتاح من المشاكل "اللي هو اساسها" !!!!
وخلاه يقدم على هذه الخطوه وهذا القرار الظالم لي ولعيالي
حسبي الله ونعم الوكيل فيه
ماادري ادعي عليه والا ادعي لي بالصبر والسلوان
عمري 35 يعني مااعتبر صغيره او ما افهم بالحياة ولا ابي اتزوج مره ثانيه شايله هذي الفكره نهائيا
لاني احس بقلبي نار مايطفيها شي خلاني عدوانيه وحقوده بعد ماكنت مسالمه ولا احب المشاكل
وبنفس الوقت يانبني ضميري لاني اذكر له مواقف حلوه
اكره تفكيري واكره حالي اللي وصلت له بغبائي وتسرعي بقراراتي
يارب تولني فيمن توليت واهدني الى ماتحبه وترضاه
ادعولي وانصحوني ياخواتي