شامواة @shamoa_1
محررة برونزية
عجزت ووصلت سن اليأس وطلعت فيني علامات الشيخوخة
انا انقطعت عني الدورة.....بح....اختفت....حسبتني حامل وفرحت...وكل شوي اروح للصيدلية اشتري اختبار حمل..ويطلع مافية...استحيت من الصيدلاني قلت حفظني...وغيرت ورحت لصيدلية ثانية ..وكلها مافية حمل...قلت اجل ابصبر يمكن مابعد بين الحمل...واصبر شهر واحلل ..ونفس الشي مافية....قلت وين الدورة راحت....واقعد زيادة شهور وشهور...قلت يمكن اني حامل...واندمجت وصدقت...حتى الوحم توحمت...وصدعت وصرت استفرع...قلت اجل حمل بس مابين بالتحاليل ..واروح احلل في مستشفى ثاني غير الاول قلت يمكن عندهم اجهزة تحتلف او ادق....وطلع مافية حمل...:upsidedow
وش اسوي ...الدورة انقطعت بعد ماكانت منحاسة ...وصلت لسن اليأس وانا عمري 35 سنة...وش السواة...وش اقول لزوجي والناس
زوجي يقول السبة خرابيطك اللي تجيبينها من النت...ومهددني يفصل النت...يقول صار البيت عطارة وهي الي دمرت صحتك...شاف القوارير والخلطات وكل قارورة عليها اسمها وحط يدة على راسة مرتاع...قارورة بردقوش..قارورة مرامية...وقارورة عشبة الميلسا..وقسط هندي..وغيرها وغيرها.....طبعا كلها رماها في الزبالة ويوم راح للإستراحة رحت وطلعتها من الزبالة وخبيتها في درج المخزن...
شريت حبوب اسمها الداهية هذي تعوض الحريم الي وصلو سن اليأس بهرمونات انوثة...وطبعا لها اضرارمثل مالها منافع....شافها زوجي,,,قال ماجاب لك الدواهي اللا هي...ويقول ترى بمنعك تروحين مع اهلك للسوق وللعطارين
الحين زوجي يقول بروح بك المستشفى نشوف الدورة ليش ماجت...وانا مستحيل اروح معاة....بيقولون لة مرتك عجزت وكبرت ووصلت سن اليأس...وانا اصغر نفسي عندة....
.
طبعا انا كل اعراض سن اليأس المبكر طلعت فيني...قريتها بالنت...صرت عجوز ...اناظر وجهي بالمراية كل شوي..وجهي وجة وحدة صغيرة ..بس الجسم تدمر...
الدورة وانقطعت من شهوووور كثيرة....والشيب تكاثر...وصرت امشي واطفي اللمبات زي العجايز....ويالله اقوم ويالله اتحرك...اتعب بسرعة....ارتفاع في الضغط ومرة انخفاض..
وجاني اكتئاب وضيقة صدر...كل شوي اصيح ...كل شي فجأة...اصيح فجأة ..اضحك فجأة,,,
صرت عصبية ماتحمل صجة ولا ازعاج...ولا صوت التلفزيون...انوم بدري واقوم بدري ونوم متقطع زي العجايز ...طبع هالاحداث صارت من لبست خاتم عجوز ....لبستة اجربة...والظاهر انعديت
بشرتي صارت شاحبة...شعر راسي تساقط ...إذا استشورتة لزق...معاد فية اللا شعرتين وخايفة عليها...فيني صلعة صغينونة..صارت فروة راسي واضحة...
كيف كنت وشلون صرت...الله يالدنيا...اول شعر كثير....ونشيطة ودورة في موعدها....الحين شعرتين واتعب من اقل مجهود ودورة انقطعت ...
ضاقت فيني الوسيعة على دورتي اللي انقطعت وانا ابغى احمل....بناتي يبون لهم اخو ولد...
وانا ماهمني ولد ولا بنت اهم شي احمل...
يالله يارب ترجع بويضاتي وتجيني الدورة.
مجرد فضفضة وماقلت لاهلي ولا لاامي ولا صديقاتي....وقلت افضفض ارتاح
136
127K
يلزم عليك تسجيل الدخول أولًا لكتابة تعليق.
الحمد لله عندك ضني غيرك يدور الضنى وخمسه وثلاثين لس شباب خلي عنك الاوهام حليلي عن الغده الدرقيه امكن هي اللي ملخبطه عنك كل شي تمناتي للك بالتوفيق
الوحدة توتر حالها وتصك الابواب والمستشفى جنبها / ياأختي الله يصلحك ترى لسى بدري ع عمرك الشيب بس روحي اتطمني ولاتقولي لزوجك مثل هالكلام غلط انا خلاص عجزت وكبرت ومدري شو
الصفحة الأخيرة
اما الأعرأض مجرد اوهام
طمنينا عنك