عجــين دونات مثل ***بيـت الدونـــات***

ماطلبتي شئ حبوبه

عندي جم طريقة مخزنتها بجهازي ان شاء الله اكون افدتج فيها


المقادير

3 كاسات دقيق ( كاس الجبن هو المقياس )
ملعقة كبيره خميره
ملعقه كبيره بكم بودر
بيضه
بيالة زيت
3 ملاعق كبيره حليب بودره
بطاطسه كبيره مسلوقه او 2 صغاار
ملعقه كبيره فانيليا
كاس ماء


الطريقه

كل المقادير مع بعضها تنحط في الخلاط الطماط ماعدا الدقيق
بعد الخلاط تحطي عليها الدقيق
وتعجني بيدك او بالعجاانه
وتخليها 40 دقيقه تخمر
والباقي انتم عارفينه تفردينها وتقطعيها دوائر وتقلينها في الزيت
اهم شي ماتخلي الزيت حاااار بالمره واذا تبي الدونااات تكون شكلها واحد اذا قليتيها وانتي حاطتها في الزيت كبي الزيت عليها من فوووق علشان تنتفخ وتكون شكل واحد
وعلى وجه الدوناات
تحطي ياسكر ناعم منخول عليها
او حليب نستله مع شوية شوكلاته الشكولاته المره بعدين تغمسين الدونات فيها

وهذي طريقه ثانيه

لمقادير :

3كاسات طحين ابيض
1م ك خميره
1م ك بكنج بودر
3م ك حليب بودره
7م ك سكر
2بيضه
6حبات جبن كيري
بيالة زيت
1كاس ماء

طريقة التحضير :

تخلط جميع المقادير في الكاس الكهربائي ماعدا الدقيق والبكنج
بودر ثم توضع في اناء ويوضع عليها الدقيق والبكنج بودر وتعجن وتترك لمدة ساعه
حتى تخمر ثم تكور كور صغيره وتثقب من النصف ثم تترك قليلا ثم تقلى في الزيت ويزين
وجهها بالسكر المطحون والشكولاته السائله.

المقادير :
======

1 كيس طحين أبيض ( المطاحن )

2 اصبع زبدة حجم صغير .

عدد ثلاث بيضات .

1 ملعقة صغيرة سكر .

1 ملعقة صغيرة ملح .

ا كوب حليب سائل ودافئ .

ا كوب ماء دافئ .

2 ملعقة كبيرة خميرة .

سكر بودرة للتغطية .

زيت دلال للقلي .


الطريقة :
======

توضع الخميرة وملعقة السكر في نصف كوب ماء دافئ ويترك لمدة 5 دقائق ومن ثم تضاف الخميرة غلى الطحين ثم يعجن مع الزبدة أولاً ثم يضاف البيض والحليب الدافئ وباقي الماء حتى تتكون عجينة متماسكة طرية ثم تترك في مكان دافئ حتى يتضاعف حجم العجينة .. نفرد العجينة بالشوبك على سطح مستوي مرشوش بقليل من الطحين الي سمك 1\2 سم ثم تقطع بقطاعه الدونات وتترك لمدة 15 دقيقة حتى تتضاعف في الحجم ثم تقلى بزيت غزير حتى تحمر ثم توضع على ورق نشاف وترش بالسكر وتقدم وبالعافية

الله يوفقك اختي ويعطيك اللي تتمنينه

بسوي الطريقه الاولى والاخيره

الثانيه : فيها جبن كيري يمكن يتغير الطعم

المهم بكره او اللي بعده بجرب واخبرك

مشكوره اختي

والباقي معقوله 100 بنت واكثر وماتردون

ريماج لا تنسين تخبرينا

ننتظرك ترى ..